Kjo grua tundi themelet e arkitekturës, por në Prishtinë s’iu pranua projekti i xhamisë (Foto)

Zaha Hadid la një shenjë të pashlyeshme në botën arkitekturore, duke shndërruar pamjen e arkitekturës bashkëkohore me planet e saja në diçka shumë më abstrakte dhe moderniste. Format e lëngëta dhe estetika konstruktive me ngjyrat e guximshme janë themelet kryesore të ndërtesave dhe mobileve të saj. Puna e Hadidit është thelbi i energjisë dhe dramës.

E lindur në Bagdad, e shkolluar në matematikë në Universitetin Amerikan të Bejrutit dhe më pas për arkitekturë në shkollën prestigjioze “AA School of Architecture” në Londër, ajo ishte femra e parë që fitoi “Pritzker Prize” (shpërblimin më prestigjioz në botën e arkitekturës).

Ndjeshmëria e dizajnit të Hadidit u formua më shumë nga arti sesa arkitektura. Në kolegj, ajo u frymëzua fillimisht nga shkolla avangarde ruse e artistëve. Ndikimi i piktorëve si Wassily Kandinsky dhe Kazimer Malevich është e dukshme tek Hadidi, shkruan ndërtimi.info.

Zaha Hadid, së bashku me Gregg Lynn revolucionuan botën e arkitekturës duke qenë të parët qe e njohën boten e arkitekturës me gjenerimin e dizajnit para metrik në arkitekturë. “Zaha Hadid Architects” ka gjithsej mbi 400 arkitektë te punësuar ne 5 zyrat e kompanisë që gjinden në metropolet kryesore të botës.

Në vitin 2013, Arkitektja e mirënjohur irakiano-britanike Zaha Hadid po ashtu ishte pjesëmarrëse në konkursin për dizajnimin e xhamisë kryesore të Prishtinës, por ajo nuk ishte shpallur fituese. Ajo vdiq me 31 mars 2016, në moshën 65 vjeçare.

Më poshtë po paraqesim disa nga ndërtesat dhe objektet të projektuara nga mendja e Zaha Hadid.