Krasniqi: Rrugët e Speciales fillet i kanë në Beograd, aty edhe duhet të përfundojnë

Jakup Krasniqi nga Nisma e Kosovës ka shkruar se rrugët e Gjykatës Speciale fillet i kanë në Beograd dhe sipas tij aty duhet të përfundojnë.
Sipas Krasniqit, themeli i saj është në institucionin më të lartë të Kosovës dhe se këto institucione nuk duhet të ndërhyjnë në Specialen, ndërsa ai thotë se Beogradit nuk i kërkohet kjo mos ndërhyrje.
Ja shkrimi i plotë i saj:
‘Si ta kuptojmë shkuarjen e Speciales ke Vuçiqi?
Është tepër vonë që të merakosemi për shkuarjen e Speciales ke Vuçiqi. Krejt çka duhet thënë është se në rastin në fjalë kemi përzierjen e Gjyqësorit në politikë e Beogradit?! Mbase, shkuarjen duhet parë edhe si vajtje në vendin më të duhur dhe të personi më i duhur për krime të luftës?! Ndoshta Gjykata Speciale ka renë në gjurmët e duhura se ku duhet kërkuar krimet e gjenocidi që është ushtruar në Kosovë për vite të tëra. A nuk ishte Vuçiqi që shihet e dëgjohet të thoshte: Për një serb të vrarë, do të vriten qindra e mijëra mysliman?” As per shqiptaret nuk ka menduar ndryshe.
Edhe sikur mos të jetë kështu, të gjitha rrugët e kësaj Gjykate (Speciale), fillet i kanë në Beograd dhe aty duhet të përfundojnë! Në fund të fundit, themeli i GjS është në institucionin më të lartë të Kosovës, këto institucione nuk duhet të ndërhyjnë në Specialen, ndërsa Beogradit nuk i kërkohet kjo mos ndërhyrje, përkundrazi nga ai kërkohet mbështetje profesionale?! Sido që të zhvillohen proceset, nga këto procese Beogradi (serbët) po dalin të terur, ndërsa Prishtina (shqiptarët) do të dalin si “pulat e lagura”! Nga politikanët që i kishim e i kemi në krye të institucioneve, nuk mund
të pritej diçka tjetër! Kaq ishte kapitali i tyre e mbase është edhe nderi i tyre?!’