Kroatët alarmohen nga kjo fotografi që u publikua në mediat serbe: Fanellat e tyre prodhohen në Serbi?

Kroacia është në finale të Botërorit për herë të parë në histori jo vetëm të tyre si shtet, por për herë të parë edhe në histori të Ballkanit pasi për të parën herë një shtet ballkanik kalon në finale.

Të quajtur si “të zjarrtit”, suksesi i kroatëve u festua në të gjithë Kroacinë, e madje edhe qeveria fillojë mbledhjen ditën e nesërme me fanella kroate.

Megjithatë, kroatëve nuk po ju pëlqen fakti se ku janë duke u prodhuar fanellat e Kroacisë.

Portali serb, “Blic.rs” publikoi sot një fotografi të një fanelle të Kombëtares kroate, e cila është blerë në Kroaci, por që është prodhim i Serbisë.

Debati për këto fanella është duke vazhduar dhe është shumë i ashpër në Kroaci, ndërsa ende nuk dihet se si janë importuar ato nga Serbia.