Liderët e G7 u tallën me foton e presidentit rus, Putin i ka disa fjalë për ta

Vladimir Putin është kundërpërgjigjur ndaj liderëve perëndimorë që talleshin me foto e tij këtë javë, duke thënë se do të ishte “e neveritshme” t’i shihje që të zhvisheshin.

Ky reagim vjen pasi udhëheqësit në samitin e G7 u tallën me tendencën e presidentit rus për të pozuar me foto topless, shkruan BBC.

Por Putin sugjeroi se homologët e tij duhet të heqin dorë nga alkooli dhe të bëjnë më shumë sport.

Putini është fotografuar disa herë pa këmishë në mediat shtetërore ruse, duke përfshirë foton virale  hipur mbi kalë, duke mbajtur një pushkë gjuetie dhe duke shkuar për peshkim.

Fotot janë interpretuar gjerësisht si presidenti rus që kërkon të projektojë një ndjenjë mashkullore që tërheq shumë rusë.

Në samitin e G7 në Gjermani në fillim të kësaj jave, kryeministri i Mbretërisë së Bashkuar Boris Johnson e goditi atë, duke bërë shaka se liderët duhet të heqin rrobat e tyre për të “treguar se ne jemi më të ashpër se Putini”.

-->

MË SHUMË PËR

TE FUNDIT