Mediumi slloven paralajmëron Slloveninë para ndeshjes me Kosovën

Përfaqësuesja e Kosovës do ta zhvillojë një tjetër përballje me Slloveninë këtë muaj në kuadër të Ligës së Kombeve.

Në kuadër të Ligës C Sllovenia është nikoqire e “Dardanëve” në Lubjanë.

Dy skuadrat u përballën mes vete edhe në muajin tetor, ku fitues ishin sllovenët me rezultat të pastër, 0:1.

Mediumi slloven “Nogomania” ka paralajmëruar Kombëtaren sllovene se nuk do ta ketë edhe aq lehtë kësaj radhe ndaj Kosovës.

“Për shkak të COVID-19 dhe lëndimeve, Kosova ishte dobësuar ndjeshëm asokohe, por kësaj radhe nuk do të jetë ashtu. Lista e Bernard Challandesit përfshin futbollistët si: Amir Rrahmani, Milot Rashica, Vedat Muriqi dhe Bernard Berisha”, shkruan më tej “Nogomania”.

Ndryshe, ndeshja në fjalë luhet më 15 nëntor në Lubjanë.