‘Mos fol keq për mamanë time’: Canelo e Plant nisin grushtet që në konferencën e shtypit

‘Mos fol keq për mamanë time’: Canelo e Plant nisin grushtet që në konferencën e shtypit

Canelo Álvarez dhe Caleb Plant nuk mund të prisnin dot deri në 6 nëntor për të kaluar nga fjalët te veprat.

Kampionët e peshave super të mesme shkëmbyen goditje në konferencën e tyre të shtypit të martën për të promovuar ndeshjen e tyre të ardhshme për unifikimin e titullit, dhe goditjet e lanë Plant me një çarje nën syrin e tij të djathtë.

Boksierët u përleshën pasi shkëmbyen ofendime verbale gjatë përballjes ceremoniale para fillimit të konferencës për shtyp në kopshtin e Beverly Hilton. Me sa duket në përgjigje të një komenti nga Plant për nënën e Alvarez, superylli meksikan e shtyu Plant prapa, me një goditje me dy të duart. “Mund të më thuash çfarë të duash, por jo për nënën time,” tha Alvarez më pas.

Plant bëri përpara dhe lëshoi një të majtë ndaj Alvarez, i cili e shmangu dhe u kundërpërgjigj me dorën e majtë në fytyrën e Plant.

Plant tha se grushti goditi syzet e tij të diellit, të cilat iu futën në faqe dhe shkaktuan prerjen. “Ne thjesht po thoshim gjëra, vetëm shaka normale të rastit, dhe pastaj ai bëri atë që bëri,” tha Plant.

Álvarez u tregua më i sinqertë në Tëitter kur postoi videon e sherrit: “Mos fol keq për mamanë time”.

Shpërndaje në: