Mustafa e quajti xhelate, Mimoza Kusari thotë se kreun e LDK-së e ka bërë agresiv virusi

Periskopi.com Lajme

Kryetari i LDK-së Isa Mustafa, ka reaguar ashpër ndaj thirrjes së deputetes së VV-së Mimoza Kusari-Lila për shkarkimin e kryeministrit Avdullah Hoti, pasi sipas saj, ky i fundit nuk i ka përfillur rekomandimet e IKSHP-së për izolim pasi rezultoi i infektuar me koronavirus.

Mustafa ka thënë se kërcënimi për shkarkim të kryeministrit veç pse ka dalë pozitiv me Covid-19, është kanibalizëm politik. Kreu i LDK-së e ka quajtur edhe xhelate kryetaren e Alternativës,

E Mimoza Kusari-Lila i ka reaguar sërish kryeministrit Hoti, këtë herë duke e akuzuar se e ka bërë testin për koronavirus, duke thënë se ka qytetarë që po vdesin pa arritur të marrin rezultatin e testit.

Në reagimin e saj, Kusari-Lila përmend edhe kreun e LDK-së Isa Mustafa për të cilin thotë se e ka bërë agresiv virusi.

Reagimi i plotë i Isa Mustafës:

 

“I nderuar z. Hoti,Së pari edhe një herë për ditën e sotme, ju uroj të shëroheni sa ma parë dhe me sa më pak pasoja. Në veçanti uroj të mos ju mbetet zemërimi dhe gjuha agresive e bashkëpartiakëve tuaj të cilët u shëruan nga virusi”, ka shkruar Kusari-Lila transmeton Periskopi.

Postimi i plotë i Mimoza Kusarit:

I nderuar z. Hoti,Së pari edhe një herë për ditën e sotme, ju uroj të shëroheni sa ma parë dhe me sa më pak pasoja. Në veçanti uroj të mos ju mbetet zemërimi dhe gjuha agresive e bashkëpartiakëve tuaj të cilët u shëruan nga virusi.Së dyti, përgjigja juaj për kohën e testimit dhe pritjen e rezultatit, nuk ju liron nga përgjegjësia që mbani. Përkundrazi, kjo përgjigje vënë në pah diskriminimin dhe injorimin që po u bëhet të sëmurëve dhe viktimave nga virusi në Kosovë.Ka shumë familje që janë privuar nga e drejta e lamtumirës me më të dashurit e tyre si rrjedhojë e mos posedimit të rezultatit të testit, por vetëm se është dyshuar se ishin të infektuar, ata janë varrosur (ndonjëherë edhe në mbrëmje) të mbështjellë me najllonë në përcjellje të policisë. Pas dy dite është kuptuar se ishin negativ në dyshimin për infektim.Së treti, ju nuk mund të zgjedhni të silleni në kundërshti me të gjitha rekomandimet e IKPSHK-së për qytetarët të cilëve nuk ju lejohen vizitat, ndërsa ju personalisht, vetë i 30-ti vizitoni biznese e përuroni rrugë sikur mos të ishim vendi me më së shumti viktima në Botë për kokë banori, e pastaj të pritni mirëkuptim dhe amnisti nga përgjegjësia kur kuptoni se jeni të infektuar.Z. Hoti, nëse pretendoni të jeni Kryeministër i përgjegjshëm, atëherë, duhet të pranoni gabimet tuaja dhe pasojat që vijnë me to.Ju u sollët për t’u kritikuar z. Hoti, ju nuk respektuat rregullat dhe vazhdoni të mos mbani përgjegjësi për pasojat që i vuajnë edhe tjerët rreth jush.Andaj, para se të krijoni më shumë dëm se sa që keni krijuar deri më tani dhe para se të mos vijmë në ditën kur zyrtarisht jemi në katastrofë, thirrni ndërgjegjës dhe merrni përgjegjësi të cilat vijnë me postin të cilin pa legjitimitet e mbani.

 

Shpërndaje në: