Osmani do t’i ftojë partitë për konsultime brenda afatit kushtetues
Presidentja Vjosa Osmani do të ftojë partitë politike për konsultime brenda afatit kushtetues dhe në përputhje me përgjegjësitë kushtetuese.
Lajmin e ka konfirmuar për Gazeta Blic, Bekim Kupina, këshilltar për media i presidentes.
“Presidentja Osmani do t’i ftoj partitë politike për konsultime gjithsesi brenda afatit kushtetues dhe në përputhje me përgjegjësitë kushtetuese”, tha Kupina.
Kurse, Kuvendi i Kosovës nuk e ka zgjedhur Qeverinë e re.
Propozimi për Kurti 3 mori vetëm 56 vota pro. Katër abstenuan.
