Mbi 40 mijë fletëvotime të pavlefshme

Periskopi.com Lajme

Në zgjedhjet parlamentare të qershorit të vitit 2017, mbi 42 mijë fletëvotime të qytetarëve u shpallën të pavlefshme nga KQZ-ja.

Kjo shifër pothuajse u dyfishua në po atë vit në tetor kur vendi shkoi në zgjedhje lokale. Ishin rreth 80 mijë vota që u shpallën të pavlefshme.

E trend pothuajse i njëjtë me parlamentaret e vitit 2017 po vazhdon edhe në zgjedhjet e fundit.

Derisa KQZ-ja ka bërë numërimin e mbi 98 % të votave, janë regjistruar mbi 40 mijë fletëvotime të pavlefshme.

Janë saktësisht 40.155 vota të pavlefshme nga saktësisht 98,15 për qind të votave të numëruara, ndërsa numri mund të rritet edhe më shumë kur të nis numërimi i votave me kusht, të personave me nevoja të veçanta dhe të votave që kanë arritur përmes postës.

Në Qendrën e Numërimit dhe Rezultateve pritet që brenda disa ditëve të nis numërimi i këtyre votave, sipas zëdhënësit të KQZ-së, Valmir Elezit.

“Sa i takon kohës se kur do fillojë numërimi i votave me kusht, i votave me nevoja të veçanta dhe votave përmes postës, ne varemi nga procedura dhe dinamika e punëve që zhvillohen këtu në Qendrën e Numërimit dhe Rezultateve, por shpresojmë se brenda pak ditësh do të arrijmë t’i kryejmë të gjitha këto punë në mënyrë që të fillojmë edhe numërimin të këtyre kategorive dhe votave jashtë vendit”, u shpreh zëdhënësi i KQZ-së.

Sipas Elezit, aktualisht KQZ-ja nuk i ka të dhënat se sa persona me nevoja të veçanta e kanë shfrytëzuar të drejtën për të votuar, apo sa është numri i votave me kusht, por që sipas tij këto të dhëna do bëhen të ditura pasi të mbarojë procedura e pranimit të materialit të ndjeshëm zgjedhor nga të gjitha komunat votuese në Kosovë.

 

Falsifikuan 40 mijë euro, ngrihet aktakuzë për dy persona në Pejë

Periskopi.com Lajme

Prokuroria Themelore e Pejës, Departamenti për Krimeve të Rënda, ka ngritur aktakuzë kundër të pandehurve, I.S. dhe F.B., për veprën penale “Falsifikimi i parasë” , nga neni 302, paragrafi 2, lidhur me nenin 35, të Kodit Penal të Republikës së Kosovës.

Të pandehurit, I.S. dhe F.B., nga data 8 shkurt 2019 gjer me datë 14 shkurt 2019, merren vesh për të vënien në qarkullim paranë e falsifikuara, duke qenë në dijeni për cilësinë e tyre, i vënë në qarkullim si të vërteta.

I pandehuri F.B., gjatë periudhës së vënies në qarkullim të atyre parave përmes telefonit kontakton dhe takohet me zyrtarët policor, të cilët zbatonin urdhrin për “blerje të stimuluar”, me ç’rast merren vesh për blerjen e 40.000 (dyzetmijë) eurove, në kundërvlerë të parave origjinale prej 25%, ku si përfundim lenë takim në një lokal në komunë të Klinës, për këmbimin e të cilave ditën kritike, i pandehuri I.S., me datë 14 shkurt 2019, rreth orës 18:00, i njëjtit 300 metra para se të arrij në vendin e takimit i hedh nga vetura parat e falsifikuara në vlerë prej 39.300 (tridhjetenëntëmijetreqind) euro.

Pasi arrin tek zyrtarët policor- stimuluesit, menjëherë arrestohet dhe i konfiskohen parat e falsifikuara.

Me këto veprime ekziston dyshimi i bazuar mirë se të pandehuri ka përmbushur elementet e veprës  penale të përshkruar si me lartë.

Prokurori i çështjes me rastin e ngritjes se aktakuzës, i ka propozuar Gjykatës që i  pandehurin të shpallet fajtor dhe të dënohet  sipas ligjit për veprën penale e cila i vihet në barrë.​ /Periskopi