Befasohet Juventusi e Napoli, City siguron yllin e La Ligas

Periskopi.com Sporti

Juventus dhe Napoli janë shtangur: Ferran Torres do të shkojë te Manchester City.

Është e sigurt për këtë Marca, sipas së cilës sulmuesi i Valencia-s është tashmë një hap larg skuadrës së Pep Guardiola-s.

Klubi spanjoll dhe ai anglez duket se kanë arritur një marrëveshje për 20-vjeçarin për 25 milionë euro, plus 12 në bonuse, ndërsa futbollisti pritet të nënshkruajë një kontratë 5-vjeçare me Qytetarët.

Kontrata e Torres me Valencia-n skadon verën e ardhshme, por klubi spanjoll është informuar për dëshirën e lojtarit për t’u larguar.

Për të janë interesuar Napoli dhe Juventus-i, por, gjithmonë sipas Marca-s, gjithçka është mbyllur për transferimin e tij te Manchester City.

Manchester City e nderon Liverpoolin me ‘Tunelin e Nderit’

Periskopi.com Sporti

Skuadra e Manchester Cityt ka vazhduar traditën e nderimit të kampionëve.

Ata para fillimit të ndeshjes kanë bërë ‘Tunelin e Nderit’, duke duartrokitur futbollistët e Liverpool.

Image may contain: one or more people, stadium and outdoor

 

 

Ky gjest i Manchester Cityt është për t’u vlerësuar pasi nuk janë të detyruar për ta bërë.

Liverpool u shpall kampion i Premier Ligës shtatë javë para përfundimit të sezonit.

https://twitter.com/AnfieldWatch/status/1278769032578117633

 

City ia shtynë ende më shumë festën Liverpoolit – shkatërron Burnleyn

Periskopi.com Sporti

Manchester City e ka shkatërruar Burnleyn, duke e mposhtur 5-0.

Tjetër fitore pas pandemisë për Manchester Cityn, tjetër triumf me shumë gola dhe me zero të pranuar.

Pas Arsenalit, viktima ishte Burnley, që pranoi plot pesë gola nga të besuarit e Manchester City.

Tre gola u shënuan në pjesën e parë, Phil Foden dhe Riyad Mahrez dy herë, derisa në pjesën e dytë shënuan David Silva dhe edhe njëherë Foden.

Pas kësaj fitore, City ia ka shtyrë edhe më shumë festën Liverpoolit, që pas gabimit të dielën mbrëma, sërish ka nevojë edhe për pesë pikë që edhe matematikisht të shpallet kampion.

CAS-i do të marrë vendim për rastin e Cityt në korrik

Periskopi.com Sporti

Manchester City do të duhet ta presë pjesën e parë të korrikut për të parë nëse apeli ndaj i tij pezullimit dyvjeçar nga futbolli evropian do të jetë i suksesshëm.

“Vendimi pritet të merret gjatë pjesës së parë të korrikut 2020. Data e saktë do të tregohet paraprakisht”, thuhet në komunikatën e Gjykatës së Arbitrazhit Sportiv (CAS).

UEFA në shkurt konkludoi se City ka bërë shkelje serioze të rregullit të Fair Playit Financiar, dhe i dha pezullim dyvjeçar nga garat Evropiane. Po ashtu, e gjobiti me 30 milionë euro.

Manchester City në ankth për të ardhmen, rrezikon ta mbetet jasht Evropës

Periskopi.com Sporti

Manchester City në ankth për të ardhmen në kompeticionet europiane. Citiziens u përjashtuan me 2 vite jashtë Championsit nga FIFA për shkak të abuzimeve me fair play-in financiar, por vendimin e qeverisë më të lartë të futbollit botëror, klubi anglez e ankimuar në KAS-in e Lozanës nga i cili shpreson se do të marrë ok-in për të marrë në sezonin e ardhshëm të Kupave të Europës.

Por pandemia COVID-19 ka bllokuar edhe gjykatat të cilat mund të vonojnë vendimet e tyre. Manchester City ende nuk ka marrë një përgjigje nga KAS dhe gjasat janë që gjykata e Lozanës ta vonojë akoma më shumë vendimin e saj.

Por në rast se ky sezon i kampionatit anglez nuk rifillon dhe vendimi KAS ku Citiziens shpresojnë të fitojnë pafajsinë nuk vjen, federata angleze e futbollit do të jetë e detyruar të dërgojë në UEFA listën e skuadrave të kualifikuara në Kupat e Europës për sezonin e ardhshëm menjëherë dhe Manchester City do të mbetet jashtë Championsit për sezonin 2020-2021.

Aktualisht skuadra e Pep Guardiolës, pozicionohet në vendin e 2-të të Premier League por në rast se përgjigjia e apelimit të vendimit të FIFA-s për ta pezulluar me 2 vite nuk vjen atëherë jo vetëm që City do të mbetet jashtë Europe por do të rrezikojë të humbasë edhe disa nga lojtarët e tij më të rëndësishëm në merkato si Kevin De Bruyne i cili në një intervistë paralajmëroi largimin nëse përjashtimi i Manchester City-t nga kompeticionet europiane bëhet realitet.