U mburr për ekonominë, Çitaku-Muratit: Dil pak prej zyrës, pastaj vet ke me e fshi statusin
Nënkryetarja e PDK-së, Vlora Çitaku i ka reaguar ashpër ministrit të Financave, Hekuran Murati, pasi ky i fundit në një postim në Facebook u mburr se ekonomia e Kosovës po tregon “qëndrueshmëri të jashtëzakonshme” pavarësisht sfidave globale.
Me anë të një postimi në Facebook, Çitaku ka thënë se Murati duhet të dalë pak ajshtë zyrës së tij e të flase me mjekët, policët e studentët, shkruan lajmi.net.
Sipas saj, vetëm pasi Murati ta bëj këtë, do ta shoh se statusin e para pak minutash do ta fshijë vet.
Postimi i plotë:
Ministër, dil pak prej zyrës. Fol pak me biznese të vogla, fol pak me mësuesit, mjekët, policët, studentët.
E kur të kthehesh në zyre pasi të kesh takuar qytetarët e këtij vendi, ke me e fshi vet këtë status.
