Vetingu shkarkon gjyqtaren e “Tik Tokut”, pezullon për 15 vite ish prokuroren e Shkodrës
Dy vendime u dhanë sot nga trupat gjykuese të Komisionit të Pavarur të Kualifikimit.
Komisioni i Pavarur i Kualifikimit vendosi ndalimin e emërimit të ish prokurores së Shkodrës Esmeralda Ndoci për një periudhë 15 vjeçare.
Vendimi u dha nga trupa gjykuese e kryesuar nga Pamela Qirko, Xhensila Pine anëtare dhe Brunilda Bekteshi relatore e çështjes.
KPK vendosi shkarkimin nga detyra të gjyqtares së Elbasanit Enkeleda Kapedani. Vendimi u dha nga trupi gjykues i KPK me kryesuese Genta Tafa Bungo.
Gjyqtarja Kapedani u bë e njohur dhe me videot selfie në rrjetin social Tik Tok ku tregoheshin pamje e muzikë me fjalor jo etik për figurën e magjistratit.
Gjyqtarja u vlerësua në tre kritere në atë të pasurisë, integritetit dhe anës profesionale.
