VV bën videospot me 55 automjetet ushtarake të blinduara që erdhën nga Amerika
Lëvizja Vetëvendosje ka publikuar një video-spot në faqen e saj zyrtare në Facebook ku prezanton 55 automjetet ushtarake të blinduara që erdhën si donacion nga Shtetet e Bashkuara të Amerikës.
Kjo parti politike që udhëheq e vetme me qeverinë e vendit, paraqet fjalën e kryeministrit derisa në video shihen edhe automjetet në fjalë.
“Duke falënderuar ShBA-të për mbështetjen e pakursyer në zhvillimin e sistemit mbrojtës të Kosovës, Kurti tha se qeveria e sheh mbrojtjen e territorit dhe sovranitetit si interes vital dhe në këtë aspekt përkrahjen e FSK-së e trajton me prioritet të veçantë.” – thotë VV të ketë thënë Kurti, përcjell Periskopi.
Qeveria e VV-së po sulmohet ashpër shkaku i keqmenaxhimit të pandemisë. 56 qytetarë të vendit kanë humbur jetën vetëm gjatë dy ditëve të fundit.
Dhe VV në zgjedhjet komunale do të garojë për Prishtinë pikërisht me Ministrin e Shëndetësisë, Arben Vitinë.
