Kamberi pasi u rizgjidh deputet: Kësaj radhe dreqërit mbetën të parëndësishëm

Periskopi.com Lajme

Shaip Kamberi është rizgjedhur si deputet në Parlamentin e Serbisë, pasi siguroi 698 vota në zgjedhjet që janë mbajtur në Tërnoc të Bujanocit.

Kamberi theksoi se këtë herë “dreqërit mbetën të parëndësishëm”.

“Kësaj radhe dreqërit mbetën të parëndësishëm, herën e kaluar patën ndikimin e drejtpërdrejtë në procesin zgjedhor dhe i sollën një mundim të madh të gjithë fshatit, pavarësisht se sa janë, janë të parëndësishëm”, theksoi Kamberi.

Kamberi tregoi se edhe kush i mposhti “dreqërit”.

“I mposhti një mobilizim i madh i Tërnocit dhe komisionerëve tanë”, shtoi ai.

Ai potencoi edhe shqetësimet që do t’i adresojë në parlament.

“Shqetësimet janë shumë të shumta, vjen si produkt i diskriminimeve nga qeveria, nga mosnjohja e diplomave, mos zhvillimi ekonomik, që po ndikon në zbrazjen e rajonit. Gjendja në Medvegjë, Bujanoc, Preshevë, me fshirjen e listave”.

Ndryshe, Kamberi do të jetë deputeti i vetëm shqiptar në Parlamentin serb.

Vala e të nxehtit në Evropë thyen rekordet e qershorit

Periskopi.com Lajme

Vala e egër e të nxehtit ka bërë që temperaturat të rriten shumë mbi mesataren e qershorit për shumë vende, në disa raste deri në 20 gradë më shumë.

Norvegjia regjistroi një temperaturë prej 32.5 gradë të mërkurën, që thuhet se është temperatura më e lartë e regjistruar ndonjëherë brenda Rrethit Arktik në Evropë, dhe dukshëm më e lartë se mesatarja e qershorit prej 13 gradë Celsius.

Në Poloni temperaturat arritën si në mesin e viteve tridhjetë të hënën dhe pjesë të Gjermanisë lindore panë disa vende që arritën në 37 gradë Celsius.

Rekordet e temperaturës së qershorit u thyen gjithashtu në Slloveni dhe Kroaci, ndërsa Bosnja dhe Hercegovina pa temperatura 0.2 gradë Celsius më pak se rekordi i qershorit në 41 gradë.

Vapa ekstreme është shtrirë edhe në Afrikën e Veriut, ku temperaturat në Tunizi barazuan rekordin e saj mujor prej 48,7 gradë Celsius të hënën.

Por në disa vende në Evropë, një shpërthim stuhish shkaktoi një rrëshqitje shkatërruese balte në Austrinë jugore, duke vrarë një person dhe duke përmbytur shtëpi dhe rrugë në rajonin e Carinthia.

Stuhi të tjera priten në fund të javës, me breshër të dëmshëm, rrebeshe dhe erëra të forta.

Edhe vendi ynë është përfshirë këtë javë nga vala e të nxehtit afrikan, por pasditen e sotme shiu dhe breshëri përfshinë juglindjen e vendit./A2/

Qeriqi s’mund t’i mbaj lotët nga postimet e Muratit: Ende vuaj nga dhimtë e plagëve, kur ky flinte, unë isha në Pashtrik

Periskopi.com Lajme

Invalidi i UÇK-së, Xhevdet Qeriqi, është shprehur shumë i revoltuar teksa fliste për statusin e ministrit të Financave, Hekuran Murati në të cilin ai fyente veteranët e UÇK-së.

Qeriqi, që ka ende pasoja nga plagët në luftë, është përlotur teksa fliste për këtë çështje, duke thënë se teksa ministri Murati flinte në shtrat, ai ishte në bjeshkë të Pashtrikut.

“Zoti Murati ka flejt dy ditë e dy netë në shtrat, unë kom qëndru në bjeshkë të Pashtrikut. Aty na kanë vdekë njerëz prej acari, me vullnetin për me çliru këtë vend”, ka thënë Qeriqi.

Ai ka treguar se si vëllai i tij ka lënë jetën luksoze në Gjermani për të ardhur në luftë në Kosovë.

“Kjo është marria ma e madhe e zotit. Unë nuk mujsha me komentu. Sinqerisht, personalisht jamë prekë shumë. Unë kam qenë me vëllaun në luftë. Ai e ka lanë një jetë luksoze në Gjermani. Unë çdo natë vuaj nga plagët, nga dhimtë e plagëve, për shokët që i kam humbë në beteja”, tha Qeriqi.

“Shkitë kanë ardhë prej Serbisë me luftu në Kosovë, në vend të huaj, e ne kemi luftu për vend tonin”, tha Qeriqi.

Murati: Lufta jonë s’ka qenë aksident historik, andaj nuk ka mund të zhvillohet nga mercenarët

Periskopi.com Lajme

Kryetari i Lëvizjes për Bashkim , Valon Murati ka reaguar pas deklaratave të ministrit të Financave, Hekuran Murati rreth veteranëve.

“Veteranët po i kushtojnë shtetit më shumë se mercenarët”, kishte thënë në vitin 2016 ministi Murati.

E për këtë Valon Murati i Lëvizjes për Bashkim thotë se lufta e Kosovës nuk ka zgjatur vetëm dy muaj që të zhvillohej nga mercenarët.

Madje ai ia ka ‘kujtuar’ ministrit Murati se lufta e UÇK-së ka qenë për çlirim, derisa shton se mercenarët s’e bëjnë një gjë të tillë.

“Lufta jonë nuk ka qenë luftë e një shteti ekzistues, andaj nuk ka pasur karakter mbrojtës (gabimisht e thënë shpesh se po “luftohet për mbrojtjen e pragut të shtëpisë”) por ka pasur karakter çlirimtar. Lufta jonë çlirimtare ka qenë vullnetare, angazhimi ka qenë vullnetarë dhe vetëm ideja se madje dikush duhet të paguhet për këtë angazhim ka qenë herezi. Mercenarët nuk e di që diku kanë luftuar për çlirim. Ata në të shumtën kanë luftuar për pushtim. Po, ka pas luftëtarë të huaj në shumë luftëra çlirimtare, e pak ka pas edhe në këtë tonën, por ata kanë qenë vullnetarë e njerëz vullnetmirë që nuk kanë luftuar për para ashtu si çdo shqiptar vullnetar nga të gjitha viset ku jetojnë shqiptarët përfshirë diasporën”, ka shkruar ndër të tjera Valon Murati.

“Bac u kry” – Triumfojnë shqiptarët, Shaip Kamberi bëhet deputet në Parlamentin e Serbisë

Periskopi.com Lajme

Këshilltari i Kuvendit Komunal në Preshevë, Shpëtim Haliti ka konfirmuar se në zgjedhjet e përsëritura sot në Tërnoc, Shaip Kamberi arrin votat e nevojshme që të bëhet deputet në Parlamentin e Serbisë.

Haliti ka thënë se kjo garë ishte sfiduese dhe e pabarabartë për Kamberin, përderisa parlamentin serb e ka vlerësuar si parlamentin më jodemokratik në Evropë.

“BAC U KRY! Pas shum sfidave, Garë jo e Barabartë! Presion e kërcënime nga Serbia e poashtu edhe nga disa “Shqiptar”, më në FUND Triumfon e Drejta, dhe Legjitimiteti POPULLOR i cili deshti që në fillim ta kishte përfaqësuesin e tyre në Parlamentin më JO-Demokratik në Europë”, ka shkruar ai.

Ai ka uruar Shaip Kamberin për fitoren.

“Për tja thën të VËRTETËN pikërisht në Çerdhen e tyre të Krimeve, e përballjeve Sy me Sy me ata që nuk e duan Egzistencën tonë në trojet tona Etnike! Urime Kryetar Shaip Kamberi Urime dhe të gjithë SHQIPTARËVE që e duan këtë vend, e kontribojnë për përmirësimin e jetës në Luginë”, ka shkruar ai në fund.

Zëdhënësja e Komisionit të BE-së: Liberalizimi i vizave për Kosovën është vonuar

Periskopi.com Lajme

Zëdhënësja e Komisionit të BE-së për Punët e Brendshme, Migracionit dhe Sigurinë e Brendshme, Anita Hipper, ka thënë se Kosova ka përmbushur të gjitha kushtet për liberalizimin e vizave.

Hipper përmes një cicërime në Twitter shtoi se vendimi për heqjen e vizave për Kosovën, është i vonuar.

“Kosova i ka përmbushur të gjitha standardet. Vendimi për heqjen e vizave për Kosovën është një vendim i vonuar”, ka shkruar ajo, duke e shpërndarë njoftimin e ministri i Punëve të Brendshme të Kosovës, Xhelal Sveçla, i cili u takua në Bruksel me Komisioneren Evropiane për Punë të Brendshme, Ylva Johansson.

Ata kanë folur për lirinë e lëvizjes për qytetarët e Kosovës.

Paralajmërohet protestë kundër Hekuran Muratit?

Periskopi.com Lajme

Pas deklaratave të ministrit të Financave, Hekuan Murati ndaj UÇK-së, po paralajmërohen edhe protesta kundër tij, shkruan Periskopi.

Është anëtari i PSD-së, Frashër Krasniqi ai i cili në Facebook ka shtruar në pyetje rreth organizimit të një proteste kundër ministrit Murati.

“Protestë kundër Hekuran Muratit?
– Po
– Jo
– Nuk e di”, ka shkruar Krasniqi.
Kujtojmë se ndaj deklaratave të ministrit Murati ka pasur shumë reagime, duke kërkuar edhe dorëheqjen e tij.

Ky është parashikimi i motit për ditët në vazhdim

Periskopi.com Lajme

Instituti Hidrometeorologjik i Kosovës, ka njoftuar se gjatë dy ditëve të ardhshme temperaturat minimale do të lëvizin ndërmjet 14-17 gradë Celsius, ndërsa ato maksimale do të lëvizin ndërmjet 30-34 gradë Celsius.

Në komunikatën për media, IHMK-ja shton se, fillimi i muajit korrik do të karakterizohet me mot pothuajse të ngjashëm me ditët e fundit të qershorit.

Tutje, shtohet se këto masa të ngjashme vazhdojnë të mbeten prezentë deri me datë 6-7 korrik të cilat do të krijojnë kushte për stuhi lokale të përcjellura me reshje dhe shkarkime rrufesh.

“Temperaturat minimale do të lëvizin ndërmjet 14-17 gradë Celsius, ndërsa maksimalet e ditës parashihen të lëvizin ndërmjet 30-34 gradë Celsius. Indeksi UV vazhdon të mbetet i lartë dhe bëjmë apel që të respektohen këshillat e IHMK dhe të IKSHP. Do të fryjë erë e lehtë dhe lokalisht e fortë nga drejtimi i perëndimit dhe veriperëndimit.”

“Fillimi i muajit korrik do të karakterizohet me mot pothuaj të ngjashëm me ditët e fundit të qershorit. Kjo situatë vije si pasojë e temperaturave të larta dhe formimin e vranësirave konvektive në stadet e ulëta dhe të mesme të troposferës. Muaji qershor u përmbyll me dy goditje të masave të nxehta të ajrit të ardhura nga Afrika Veriore, por që këto masa të ngjashme vazhdojnë të mbeten prezent mbi Gadishullin tonë deri me datë 6-7 korrik dhe vlerat e këtyre temperaturave të larta do të krijojnë kushte për stuhi lokale të përcjellura me reshje dhe shkarkime rrufesh.”

Zëdhënësi i BE-së përmend marrëveshjet e vitit 2011 e 2016: Kosova ka të drejtë të heqë targat “KM”

Periskopi.com Lajme

Zëdhënësi i BE-së Peter Stano tha se Brukseli gjatë kësaj jave ishte informuar, por nuk ishte konsultuar në lidhje me planet e Qeverisë së Kosovës që kanë të bëjnë me targat dhe lirinë e lëvizjes në territorin e Kosovës.

“Sipas marrëveshjeve nga dialogu për lirinë e lëvizjes të vitit 2011 dhe 2016, Kosova ka të drejtë që gradualisht t’i heqë targat KM (të cilat i lëshon Serbia). Marrëveshjet janë të qarta se në Kosovë përdoren vetëm targa të lëshuara nga Kosova”, ka theksuar Stano, raporton EruonewsSerbia, transmeton Telegrafi.

Ai shton se është e rëndësishme që të jepet kohë e mjaftueshme për zbatimin e këtij plani, dhe të përgatitet dhe zbatohet në konsultim të ngushtë me qytetarët dhe në përputhje me praktikat e mira evropiane.

“Liria e lëvizjes është gurthemeli i Bashkimit Evropian. Ne presim që  Kosova dhe Serbia të promovojnë lirinë e lëvizjes në rajon dhe të veprojnë në mënyrë konstruktive në këtë drejtim dhe të mos paraqesin ndonjë pengesë të paarsyeshme që do të kufizonte lirinë e lëvizjes”, tha Stano.

Në emër të BE-së, ai përsëriti thirrjen ndaj të dyja palëve të shfrytëzojnë dialogun e udhëhequr nga BE si një platformë për të zgjidhur të gjitha çështjet e pazgjidhura, duke përfshirë ato që lidhen me lirinë e lëvizjes dhe targat e automjeteve.

“BE pret që Kosova dhe Serbia të kultivojnë një mjedis të favorshëm për pajtimin, stabilitet rajonal dhe bashkëpunimin për të mirën e qytetarëve të tyre. Ky është çelësi për arritjen e një marrëveshjeje gjithëpërfshirëse ligjërisht të detyrueshme për normalizimin e marrëdhënieve të tyre, në të cilën palët tani duhet të fokusohen plotësisht”, përfundoi Stano.

Qeveria e Kosovës miratoi të mërkurën vendimin për mundësinë e riregjistrimit të veturave me targat e qyteteve në Kosovë – të cilat i lëshojnë autoritetet e Serbisë – në RKS (Republika e Kosovës).

Bëhet fjalë për veturat me targat PR (Prishtinë), GL (Gjilan), PZ (Prizren), KM (Mitrovicë e Kosovës) e kështu me radhë.

Në deklaratën e Qeverisë së Kosovës, të lëshuar më 29 qershor, sqarohet se riregjistrimi i këtyre veturave do të fillojë më 1 gusht dhe do të zgjasë deri më 30 shtator.

“Vendimi obligon Ministrinë e Punëve të Brendshme që t’i ndërmarrë të gjitha veprimet dhe masat e nevojshme me qëllim të realizimit të këtij procesi”, thuhet në deklaratë.

Aty, po ashtu, theksohet se riregjistrimi i veturave me targat e përmendura, nuk do të jetë i mundur pas afatit.

Lavrov: Një perde e re e hekurt po zbret

Periskopi.com Lajme

Ministri i Jashtëm i Rusisë, Sergei Lavrov, ka thënë se një “perde e re e hekurt” po vendoset mes Perëndimit dhe Rusisë.

Termi u përdor gjatë Luftës së Ftohtë për t’iu referuar ndarjes midis vendeve perëndimore dhe atyre me Bashkimin Sovjetik, pasi marrëdhëniet midis dy palëve ranë në nivelin më të ulët.

“Sa i përket perdes së hekurt, në thelb ajo tashmë po zbret…”, tha Lavrov.

“Procesi ka filluar,” tha ai, duke shtuar se vendet perëndimore duhet “thjesht të sillen me kujdes”, shkruan BBC.

Aksident trafiku në qendër të Prishtinës, ka të lënduar

Periskopi.com Lajme

Një person ka mbetur i lënduar pas një aksidenti trafiku ku janë përfshirë dy vetura në Prishtinë.

Lajmin e ka konfirmuar zëdhënësi i Policisë për rajonin e Prishtinës, Agron Borovci.

Tutje shtohet se njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti.

“Rreth orës 20:30, është raportuar për një aksident trafiku në rrugën “Agim Ramadani” në Prishtinë. Nga informatat e para bëhet e ditur se në aksident janë përfshirë  dy  vetura ndërkaq një person ka pësuar lëndime trupore. Të njëjtit i është ofruar trajtimi i  nevojshëm mjekësor. Njësia rajonale e trafikut ka dalë në vendin e ngjarjes dhe ka nisur një hetim lidhur me  rrethanat e këtij aksidenti”, thuhet në njoftimin e Policisë.

Stavileci: Jabllanoviq ofendoi nanat shqiptare, Murati krenarinë shqiptare

Periskopi.com Lajme

Zyrtari i PDK-së, Blerand Stavileci ka reaguar ndaj deklaratës së ministrit të Financave, Hekuran Murati, të bërë në vitin 2016 për veteranët.

Stavileci përmes një shkrimi në Facebook e bëri një krahasim duke thënë se Murati ofendoi krenarinë shqiptare – UÇK’në, ndërsa ish-politikani serb, Aleksandër Jabllanoviq ofendoi nënat shqiptare.

Sipas tij, nuk duhet të ketë shkarkim, po përzurje dhe poshtërim.

“Hekurani a Jabllani, cili viran ma zi e bani? Njani ofendoi nanat shqiptare, tjetri krenarinë shqiptare – Ushtrinë Çlirimtare të Kosovës. Jo shkarkim, po përzanie dhe poshtnim”, tha Stavileci.

FC Liqeni renditet si skuadra e 20-të më e mirë në Evropë

Periskopi.com Sporti

Pas suksesit të sezonit të kaluar në kuadër të UEFA CHAMPIONS LEAGUE ku me katër fitore, një barazim dhe një humbje dhe pas titullit kampion nga sezoni i sapo përfunduar FC Liqeni është renditur në mesin e 20-të skuadrave më të mira në Evropë.

Kjo i kualifikon ata direkt në Main Round, duke eliminuar Preliminary Round (round ku gjendeshin sezonin e kaluar), por me renditjen e re dhe sukseset e vashdueshme tashmë FC Liqeni është kualifikuar direkt në Main Round UEFA Champion League.

Si bartës i grupit, FC Liqeni pas aplikimit në UEFA ka fituar edhe të drejtën e organizimit të grupit bartës të garave të Main Round në kuadër të Champions League, që do mbahet muajin tetor në Prishtinë.

​OBSH për gjendjen me Covid -19 në Evropë: Virusi do të qarkullojë në nivele më të larta këtë verë

Periskopi.com Lajme

Organizata Botërore e Shëndetësisë pret “nivele të larta” COVID-19 në Evropë këtë verë dhe bëri thirrje për monitorim të kujdesshëm të virusit, pasi numri i të infektuarve rishtazi është trefishuar çdo ditë në muajin e fundit.

“Ndërsa vendet në të gjithë Evropën shfuqizojnë masat sociale që ishin në fuqi, virusi do të qarkullojë në nivele më të larta këtë verë”, tha drejtori i OBSH-së për Evropën Hans Kluge.

Ai tha se virusi nuk do të zhduket pasi vendet kanë ndaluar së kontrolluari, se ai vazhdon të infektojë dhe të vrasë njerëzit.

I inkurajuar nga nën-varianti omicron BA.5, numri i rasteve në rreth 50 vende të mbuluara nga OBSH-ja, Evropa arriti afër 500.000 të sapoinfektuar në ditë këtë javë, ndërsa ishte rreth 150.000 në ditë në fund të majit, sipas organizatës botërore.

Me 4.000 dhe 5.000 vdekje nga COVID të regjistruara çdo ditë gjatë pjesës më të madhe të dimrit, numri i vdekjeve tani mbetet në nivelin më të ulët prej 500 që nga vera 2020.

Pothuajse të gjitha vendet evropiane shënojnë një rritje të madhe të numrit të rasteve, me Portugalinë, Luksemburgun, Francën, Greqinë, Qipron, Gjermaninë dhe Austrinë që kryesojnë në numrin e rasteve të reja.

“Shpresojmë që programet e gjera të vaksinimit që kanë pasur shumica e vendeve, si dhe infeksionet e mëparshme, do të thotë se ne do të shmangim pasojat më të rënda që patëm sa më parë në pandemi”, tha Kluge.

OBSH u bën thirrje evropianëve që të vazhdojnë të izolohen në rast të simptomave të frymëmarrjes, të kontrollojnë nëse vaksina e tyre është përditësuar dhe të mbajnë maskë në vendet me shumë njerëz.

Abdixhiku paralajmëron krizë energjetike në dhjetor: Qeveria nuk po merr asnjë masë për ta parandaluar

Periskopi.com Lajme

Kryetari i LDK-së, Lumir Abdixhiku, ka paralajmëruar që tani se Kosova do të jetë në krizë energjetike në dhjetor dhe fajin për këtë ia lë Qeverisë Kurti.

Kurti, sipas Abdixhikut, nuk po merr asnjë masë tash e gjashtë muaj nga kriza paraprake, përtë parandaluar një krizë tjetër që do jetë gjatë dimrit, përcjell Periskopi.

“Çështja e mbijetesës shoqërore nuk mund të shëndrrohet në temë virtuale për kryeministrin sepse sado që mund të ndërtosh një narracion që cdo gjë është mirë, e gjithcka që këta të tjerët po prezantojnë është gabim, cdo qytetarë i Kosovës nesër ka një detyrë; zgjohet në mëngjes e blen një copë bukë në market. Pra, ai e sheh. Nuk mund ta bësh virtuale mbijetesën në Kosovë. Prandaj, e ka gabim”.

“Mund të bësh parulla për kundërshtime abstrakte, por cmimi i energjisë elektrike në këtë dimër do të jetë 100% më i lartë sepse Kurti nuk është duke bërë asgjë tash.Do të kemi krizë energjike në dhjetor dhe kjo Qeveri tash e gjashtë muaj nuk ka bërë asnjë masë”.

“Strategjia nuk është masë, është planifikim afatgjatë dhe është bukur e dobët, aq sa kam parë. Por, cfarë po them është që kjo Qeveri nuk po bën asnjë masë të reduktojë papërballueshmërinë e qytetarëve tonë në dimër”, tha Abdixhiku.

Tutje, ai thotë se çështjen e mbijetesës shoqërore, Kurti nuk mund ta shëndrroj në temë virtuale, sepse kjo nuk shitet tek qytetarët, sipas Abdixhikut.

“Natyrisht se këtë virtualitet nuk mund ta shesësh tek qytetarët. Ata po e shohin, nuk kemi cka t’i mësojmë. Këto janë periudha të rënda të mbijetesës shoqërore, sidomos për njerëzit në prag të mbijetesës”, tha kryetari i LDK-së, Lumir Abdixhiku.

Hamiti për Qeverinë Kurti: As praktikantë s’mund t’i quash, ndoshta të paaftë po

Periskopi.com Lajme

Profesori universitar dhe funksionari i LDK-së, Muhamet Hamiti ka kritikuar qeverinë Kurti.

Ai ka thënë se qeveritarët e Qeverisë Kurti s’mund t’i quash më as praktikantë, ngase sipas tij, ata i kanë bërë një vit e gjysmë në qeveri.

“Ndoshta diletantë dhe të paaftë mund t’i quash”, ka thënë ai në T7.

Sipas Hamitit, Vetëvendosje ka besuar që për fitoren e saj është gëzuar e tërë bota, duke aluduar se ekzaltimi i fitores nuk e ka lëshuar ende.

Ai ka thënë se qeveritarët duhet të jenë “shërbestarë”, teksa ka kritikuar qeveritarët për arrogancë.

Gjithashtu, Hamiti ka thënë se karakteristikë e kësaj qeverie kanë qenë punësimet nepotike dhe politike.

Tejkalohet ngërçi Sofje-Shkup, palët pranojnë propozimin francez

Periskopi.com Lajme

Maqedonia e Veriut dhe Bullgaria arritën sot një marrëveshje për të zgjidhur ngërçin mes tyre, bazuar në një propozim të Francës. Marrëveshja i hap rrugën nisjes zyrtare të bisedimeve për anëtarësim në BE të Shkupit por dhe Tiranës.

Arritjen e marrëveshjes e bëri të ditur i pari presidenti francez Emmanuel Macron, i cili drejtoi këto 6 muaj presidencën e Bashkimit Europian dhe u angazhua personalisht për gjetjen e një zgjidhjeje edhe gjatë samitit të NATO-s në Madrid.

“Jam i bindur se kemi arritur një zgjidhje kompromisi” deklaroi presidenti Macron gjatë një konference shtypi në Madrid. Gjatë samitit të NATO-s, pati bisedime intensive për tejkalimin e ngërçit mes Bullgarisë dhe Maqedonisë së Veriut.

Presidenti i Këshillit Europian, Charles Michel shkroi më pas në Twitter se mirëpriste “zgjidhjen franceze për një marrëveshje që do të shtronte rrugën për hapjen e bisedimeve për anëtarësim me Maqedoninë e Veriut. Zgjidhja u jep përgjigje shqetësimeve të ngritura. Jemi më afër se kurrë. Tani është momenti të thuhet Po”, shkroi ai me një referencë të qartë ndaj Shkupit.

Qeveria e Maqedonisë së Veriut në një deklaratë të saj u shpreh se ka pranuar një propozim nga Presidenca franceze me ide që u referohen qëndrimeve të shprehura publikisht prej saj”, duke shtuar se “kjo është baza për hapjen e një procesi të gjerë konsultativ, fillimisht në Qeveri dhe partnerët e koalicionit, e më pas me Presidentin, Parlamentin dhe opozitën, si dhe me sektorin civil, ekspertët dhe publikun e gjerë në vend.

Kryeministri shqiptar Edi Rama, i bëri thirrje Maqedonisë së Veriut të pranojë propozimin francez. Ai shkroi se propozimi “që është edhe përfundimtari, i jep Maqedonisë së Veriut mundësinë e një pranimi pa rezervë dhe hap rrugën e nisjes zyrtare të negociatave për anëtarësimin e të dy vendeve në Bashkimin Europian! Vëllezërve maqedonas dhe shqiptarë në MV u them: Pranojeni!”, shkroi ai në rrjetet sociale.

Nëse gjithshka përmbyllet në kohë, gjasat janë që konferenca e parë ndërqeveritare me Shqipërinë dhe Maqedoninë e Veriut mund të zhvillohen që javën e ardhshme. /VOA

Limaj para dy muajve për Muratin: A i jepet more Ministria e Financave një kontabilisti që nuk i di numrat

Periskopi.com Lajme

Kryetari i NISMA Socialdemokrate, Fatmir Limaj, në një emision vendor, qysh para dy muajve kishte dhënë mendimin e tij për ministrin Hekuran Murati.

Limaj kishte thënë se, Murati nuk ka lidhje as me shtet, as me ministri e as me financa, përcjell Periskopi.

Sipas Limajt, drejtimi i Ministrisë së Financave nuk i jepet “një referenti, kontabilisti, që si dinë numrat”, për të vazhduar më pas se ka filloj të dyshoj tek kryeministri Kurti në këto ndarje të pozitave.

“O pash Zoten ma, se ai lidhje s’ka as me shtet, as me Ministri, as me financa. Shpresoj që kjo qeveri e sheh veten, Albinin ia kam nisë me dyshu. A i jepet more me ta drejtu ni referent, ai ni referent është, njëfarë kontabilisti që si dinë numrat. Qysh more me ta drejtu ministrin e Financave, ai lidhje s’ka me të. Ai se din çfarë impakti ka social shoqëria, ai s’ka ndjeshmëri për qytetarin. Ai i ka marrë 100 milionë euro po i ndajka 100 euro…”, thoshte Limaj.

Temë e ditëve të fundit nëpër media ka qenë ministri i Financave, Hekuran Murati, ku bëhet fjalë për postimet e tij ofenduese në drejtim të veteranëve të UÇK-së, ku në vitin 2016, Murati thoshte se “veteranët po i kushtojnë shtetit më shumë se mercenarët”.

Më poshtë keni videon:

/Periskopi

Ushtari amerikan i UÇK-së-ministrit Murati: Jep dorëheqje, turpërove çdo ushtar në botë

Periskopi.com Lajme

Ushtari amerikan i UÇK-së, Michael Spath, ka reaguar pas deklaratave të ministrit të Financave, Hekuran Murati, shkruan Periskopi.

Përmes në postimi në llogarinë e tij në Facebook Spath ka kërkuar dorëheqjen e Hekuran Muratit, duke thënë se nuk është i kualifikuar që të ushtrojë detyrën për shkak se kishte dështuar të kalojë Testin e IQ-së në Ambasadën e Britanisë së Bashkuar.

“Ky person nuk është i kualifikuar për të qenë në asnjë pozicion qeveritar ose zyrtar,,, gjë që tashmë mund të shihet qartë nga Testi i tij i IQ-së në Ambasadën e Mbretërisë së Bashkuar, të cilin ai e dështoi qartë për t’u punësuar.”, thotë Spath në statusin e tij.

Tutje ai është shprehu mjaftë i ashpër ndaj ministrit duke e quajtur si ” turp total për një komb të madh të quajtur Kosovë “.

Ky është statusi i plotë i Spath:

Mirëmbrëma

Në këtë moment po kërkoj që z. Hekuran Murati të shpallë dorëheqjen e tij nga të gjitha çështjet politike brenda qeverisë aktuale.

Ky person nuk është i kualifikuar për të qenë në asnjë pozicion qeveritar ose zyrtar,,, gjë që tashmë mund të shihet qartë nga Testi i tij i IQ-së në Ambasadën e Mbretërisë së Bashkuar, të cilin ai e dështoi qartë për t’u punësuar.

Gjithashtu pa asnjë dyshim ai është kundërshtari më i madh dhe si Figura Politike shfaq Urrejtjen më të madhe ndaj Veteranëve të UÇK/UÇK-së, me akuza të pambështetura dhe dezinformata.

UÇK-ja ishin çizmet në terren për NATO-n, e cila përfshin gjithashtu Seal Team Six, C.T.A S.A.S. dhe të tjerë.

Deklarata të tilla si ne jemi mercenarë dhe deklarata të tjera të pambështetura ose të pajustifikuara që djegin Veteranët e Luftës janë të papranueshme dhe një turp për çdo ushtar, veteran në të gjithë botën, në të kaluarën, të tashmen dhe të ardhmen.

Unë vetë si Ranger, Snajper, Instruktor i Ushtrisë Amerikane dhe pjesë e Grupit më të madh të të gjithë UÇK-së, po shqyrtoj gjithashtu një padi për deformim në dy pjesë.

Një kundër Partisë Politike të VV-së dhe kundër z. Hekuran Murati, ku duhet të hapë të gjitha kredencialet.

Pra, në fund të fundit ai dhe të tjerët janë një turp total për një komb të madh të quajtur Kosovë

Plus për të gjithë ata që kanë shërbyer në ndonjë ushtri në botë

Turp të keni zoti Murati.

DËRHEQJENI NGA POZICIONI JUAJ PËR TË MIRËN E NJË SHTETIT TË MADH QË QUHET KOSOVA

Michael Ë Spath

Ranger Ajror i Ushtrisë Amerikane

Veteran i Luftërave të Huaja

Qytetar i Kosovës

Murati ofendoi veteranët e UÇK-së, PSD kërkon nga qytetarët t’i shkruajnë në numrin e tij për dorëheqje nga pozita

Periskopi.com Lajme

Partia Socialdemokrate e Dardan Molliqajt, ka nisur një fushatë kundër ministrit të Financave, Hekuran Muratit, ku kërkojnë dorëheqjen e tij, përcjell Periskopi.

Fillimisht, PSD përmes një peticioni, kërkuan dorëheqjen e ministrit Murati – kjo pasi në media u publikuan disa statuse në Facebook të Muratit të vitit 2016, kur shkruante për veteranët.

Së fundi, Dardan Molliqaj, ka shpërndarë numrin personal të ministrit Murati, duke kërkuar që qytetarët t’i kërkojnë atij dorëheqjen nga pozita e ministrit.

Ministri Muratit, i është publikuar një status i vitit 2016 ku ofendonte rëndë veteranët e Ushtrisë Çlirimtare të Kosovës, ku shkruante se “edhe mercenarë me pas angazhu na kish dalë ma lirë se veteranët”

“Bile edhe mercenarë me pas angazhu na kish dalë ma lirë – 3 muj ka 2 mijë euro bajnë 6 mijë euro për kry – 20 mijë mercenarë (të përgatitun ushtarakisht) kishin me na kushtue veç 120 milionë euro gjithsej, Edhe as faleminderit s’kish pasë nevojë me ju thanë”, kishte shkruar Murati më 1 tetor të vitit 2016.