29 minuta pasi raportuan 22 të vdekur, MSh fryhet se vaksinoi më shumë përqindje populli se shtetet fqinje
Ministria e Shëndetësisë ka publikuar një postim pas daljes së rasteve të reja të infektimeve dhe vdekjeve që tregon se ka përfunduar muajin gusht në vendin e parë sa i përket përqindjes së vaksinimit të popullatës.
22 persona tjerë gjetën vdekjen pas infektimit me Covid-19 derisa edhe 1894 persona u infektuan.
Nga kjo ministri shkruhet se Kosova ka qenë e para në renditje, megjithëse dihet që shumica e vendeve të rajonit ishin para Kosovës sa i përket përqindjes për muaj me radhë.
“Sipas të dhënave të fundit, Kosova shënon rekordin mujor të përqindjes të popullatës së vaksinuar krahasuar me vendet e rajonit.” – shkruan MSh, përkthen Periskopi.
Sipas MSh-së deri tash janë vaksinuar 31 për qind e popullatës së Kosovës.
Statusi i plotë:
Muajin gusht e filluam me 15.7% të popullatës së vaksinuar, dhe po e përfundojmë me 31% të popullatës të vaksinuar.
Sipas të dhënave të fundit, Kosova shënon rekordin mujor të përqindjes të popullatës së vaksinuar krahasuar me vendet e rajonit.
Rekordi mujor i shteteve të rajonit deri më tani është: Slloveni 11.6% (Maj 2021), Kroaci 14.4% (Maj 2021), Serbi 8.7% (Janar 2021), Maqedoni e Veriut 10.2% (Gusht 2021), Bosnje e Hercegovinë 5.7% (Korrik 2021), Shqipëri*10% (Prill 2021), Mali i Zi 14.9% (Maj) dhe Kosovë 15.3% (Gusht 2021).
#Bashkëiadalim!
Burimet: Our World In Data, Ministria e Shëndetësisë – Republika e Kosovës.
*Projeksion