Banorja i pret litarët punëtorëve në katin e 26-të
Një banore e një banese të lartë në Tajlandë preu litarin mbështetës për dy punëtorë, dhe me sa duket arsyeja që e zemëroi ishte sepse nuk e kishin lajmëruar që do bënin punime në pallat.
Të dy punëtorët mbetën të varur në katin e 26-të derisa një çift i shpëtoi tha policia.
Gruaja tani po përballet me akuza për vrasje në tentativë dhe shkatërrim prone.
Kolonel Pongjak nuk tha se çfarë e shtyu të dyshuarën të priste litarin, por mediet tajlandeze raportuan se ajo me sa duket ishte e inatosur kur punëtorët u shfaqën jashtë dhomës së saj dhe nuk e kishin lajmëruar se do të bënin punime.
Në videon e pasqyruar në mediet sociale tregohet se si dy punëtorët i kërkojnë ndihmë banorëve në katin e 26-të për të hapur derën dhe për t’i lejuar të futen brenda.
Një nga punëtorët tha për medien tajlandeze se ndodheshin aty për të riparuar plasaritjet në pallat.
