Bie borë në Ferizaj

Reshje të dendura bore kanë mbizotëruar mbrëmjen e së premtes në fshatin Pleshinë të Ferizajt.

Faqja “Meteo Ballkan” ka publikuar pamje në Facebook, të cilat tregojnë reshje të dendura të borës.

Instituti Hidrometeorologjik i Kosovës (IHMK) përmes një komunikate për media ka njoftuar se reshjet e shiut do të vazhdojnë edhe gjatë ditëve vijuese.

IHMK thekson po ashtu se reshjet e shiut do të vazhdojnë deri ditën e martë, ndërkaq pritet të bien edhe fjolla të lehta bore.