KQZ has në probleme në veri: Shumë drejtorë nuk po i hapin shkollat për votimin e 21 prillit
Burim Ahmetaj Drejtor i Sekretariatit te KQZ-së duke treguar numrin e shkollave të cilat refuzojnë të përdoren si qendra votimi, ka shtuar se janë duke punuar intensivisht për gjetjen e lokacioneve alternative të cilat do të shërbejnë si qendra të votimit.
“Rezultatet e qasjes në shkolla (QV) pas vizitave nga adminsitrata e komunave
– Në komunën Leposaviq janë 18 QV ku 3 prej tyre janë të qasshme dhe 15 (QV) drejtorët e shkollave kanë refuzuar ti japin në përdorim për procesin e votimit.
– Në komunën Zubin Potokut janë 12 QV ku 2 prej tyre janë të qasshme dhe 10 (QV) drejtorët e shkollave kanë refuzuar ti japin në përdorim për procesin e votimit.
– Në komunën Zveçanit janë 6 QV ku 2 prej tyre janë të qasshme dhe 4 (QV) drejtorët e shkollave kanë refuzuar ti japin në përdorim për procesin e votimit.
– Në komunën Mitrovicës së Veriut janë 7 QV ku 3 prej tyre janë të qasshme dhe 4 (QV) drejtorët e shkollave kanë refuzuar ti japin në përdorim për procesin e votimit. Lidhur me këtë Sekretariati i Komisionit Qendror të Zgjedhjeve për shkak të afatit shumë të shkurt deri në ditën e votimit, është duke punuar intensivisht për gjetjen e lokacioneve alternative të cilat do të shërbejnë si QV në ditën e votimit me 21 prill dhe po ashtu është duke bërë përpjekje maksimale për hapjen e të gjitha Qendrave të Votimit dhe Vendvotimeve në katër (4) komunat Mitrovicë e Veriut, Zveçan, Leposaviq dhe Zubin Potok”, ka thënë Ahmetaj në mbledhjen e KQZ-së