Përzgjedhja e bordeve të RTK’së e KPM’së: AGK të mërkurën konferencë urgjente para Kuvendit

Asociacioni i Gazetarëve të Kosovës ka njoftuar se të mërkurën në mëngjes, nga ora 08:30, do të mbajë konferencë urgjente për media para Kuvendit të Kosovës.

Sipas njoftimit, përmes kësaj konference do të shprehen shqetësimet në lidhje me proceset e përzgjedhjes së anëtarëve të Bordeve RTK-së dhe KPM-së.

Konferenca organizohet nga AGK, Lëvizja FOL, Instituti i Kosovës për Drejtësi (IKD) dhe aktivistja Flutura Kusari.

Postimi i plotë: 

🚨Konferencë urgjente për media lidhur me përzgjedhjen e anëtarëve të Bordeve RTK-së dhe KPM-së

Nesër (e mërkurë) në ora 08:30 mbahet konferencë urgjente për media para Kuvendit të Kosovës për të shprehur shqetësimet në lidhje me proceset e përzgjedhjes së anëtarëve të Bordeve RTK-së dhe KPM-së.

Ftojmë mediat që ta ndjekin konferencën.

Me respekt,
Asociacioni i Gazetarëve të Kosovës (AGK)
Lëvizja FOL
Instituti i Kosovës për Drejtësi (IKD)
Flutura Kusari, aktiviste