Serbët krenohen me shqiptarin që shpëtoi 6 pasagjerët nga flakët: Një hero i vërtetë

Lulzim Sulejmani është shqiptari i Preshevës, i cili, pasi doli vetë nga dritarja e autobusit që u përfshi nga flakët në Bullgari, shpëtoi edhe 6 persona. Në autobusin që u dogj, humbën jetën 45 persona, shqiptarë të Maqedonisë së Veriut. Sulejmani është me shtetësi serbe, por origjinë shqiptare, pasi jeton në Luginën e Preshevës.

Ajo që është vënë re ditën e sotme, ka të bëjë vëmendjne që po merr shqiptari. Akti i shqiptarit ka bërë bujë në Serbi dhe mediat atje e kanë quajtur një hero të vërtetë. Autoritetet serbe i kanë uruar shërim të shpejtë, ndërsa ambasadori e ka vizituar në spital në Bullgari.

Ministria e Jashtme Serbe shkruan:

Shtetasi ynë Lulzim Sulejmani, vetë i plagosur në një aksident të tmerrshëm në afërsi të Sofjes, ka ndihmuar në evakuimin e pasagjerëve.