Shefi i grupit parlamentar të LDK-ës, Avdullah Hoti ka reaguar për mbajtjen e mbledhjes së Qeverisë, nga kryeministri në dorëheqje, Ramush Haradinaj.

Ai tha se mbajtja e kësaj mbledhje nuk është asgjë përveç edhe një veprim kundër Kushtetutës së Kosovës.

Ai numëroi edhe disa nga shkeljet tjera të Qeverisë Haradinaj.

Postimin e tij të plotë mund ta lexoni më poshtë:

Mbledhja e sotme e Qeverisë në dorëheqje reflekton edhe një herë mungesën e kompetencës të Kryeministrit në dorëheqje dhe mega qeverisë së tij, me 5 zëvendëskryeminsitra, mbi 20 ministra, 80 zëvendësminitra e qindra këshilltarë.

Kjo nuk është gjë e re. Ja disa prej vendimeve kurndërligjore e kundërkushtetuese:

– falja e 50 mil euro prodhuesve të ujit,

– ndarja e mjeteve pa procedura, siç ishte rasti i mbi 800 mijë euro për një OJQ,

– urdhërimi i prokurorit si të veprojë në një rast hetimor,

– shkarkimi i Bordeve të Ndërmarrheve Publike që i përgjigjen Kuvendit,

– shkarkimi i Bordit të Këshillit Shtetëror të Cilësisë,

– vendimi, e më vonë tërhqeja, për shpronësim të një objekti privat,

– dhënja e tokave të AKP-së komunave me shumicë serbe etj.

Lista e vendimeve antikushtetuese të kësaj qeverie është e gjatë. Riparimi i dëmeve do të marrë kohë. Por, ne jemi të vendosur për këtë.