Trump e uron Francën pas fitores në Kampionatin Botëror, lavdëron edhe Putinin
Presidenti i SHBA-ve, Donald Trump, e ka uruar Francën për fitimin e Kupës së Botës 2018, si dhe Rusinë dhe presidentin e saj, Vladimir Putin, për organizimin e Botërorit.
Franca e fitoi Kupën e Botës për herë të dytë në histori, pasi në finale e mposhti Kroacinë me rezultat të thellë 4-2.
“Urime Francës, e cila luajti futboll të jashtëzakonshëm, për fitimin e Kupës së Botës 2018.
Urime edhe presidentit Vladimir Putin dhe Rusisë për organizimin e një turneu vërtet madhështor të Kupës së Botës – njëri nga më të mirët ndonjëherë!”, shkroi Trump në Twitter.
Congratulations to France, who played extraordinary soccer, on winning the 2018 World Cup. Additionally, congratulations to President Putin and Russia for putting on a truly great World Cup Tournament — one of the best ever!
— Donald J. Trump (@realDonaldTrump) July 15, 2018