Ulërima në spital nga familjarët e të riut që u ekzekutua me armë zjarri

Periskopi.com Lajme

Një atentat me armë zjarri ka ndodhur mbrëmjen e s⌂ premtes në Peqin në fshatin Përparim. Si pasojë viktimë ka mbetur 23-vjeçari Andi Zylyfi, i cili është djali i një punonjësi në burgun e Peqinit dhe është plagosur rëndë 21 vjeçari Ardit Uruçi i cili ndodhet në spital.

Fax News ka siguruar pamjet e rënda kur familjarët ulërijnë në spital për vrasjen e të riut dhe një zë dëgjohet që thërret me ngashërim “Zgjohu se nuk ke bërë asgjë, zgjohu!”.

Burime bëjnë me dije se në momentin që kanë nisur të shtënat me armë zjarri, viktima dhe 23-vjeçari, Ardit Uruçi, që mbeti i plagosur, kanë qenë bashkë në një makinë.

Ata janë qëlluar nga një automjet në lëvizje, duke lënë të vdekur Zylyfin dhe të plagosur rëndë të riun tjetër. Sipas informacioneve, Andi Zylyfi ka marrë plumb në kokë. Viktima nuk njihej si njeri problematik në zonë, ndërkohë që jetonte prej kohësh jashtë vendit dhe sapo ishte kthyer nga emigracioni.

Bëhet e ditur se në aksin Peqin-Elbasan, ku ndodhi atentati, vitin e kaluar në të njëjtin vend është organizuar atentat edhe ndaj djalit të hallës së viktimës së sotme.

Burimet bëjnë me dije se Andi Zylyfi është kushuriri i parë(djali i hallës) së Endrit Alibej. Ky i fundit mbeti i vrarë në një atentat me armë rreth një vit më parë. Në këtë atentat u vra edhe Arben Dylgjeri 56 vjeç, si dhe një shtetas turk i quajtur Erdal Duranay, raporton Faxëeb.al.

Endrit Alibej, 34 vjeç, një nga tre personat e ekzekutuar në Elbasan mbrëmjen e 29 dhjetorit të vitit 2018, rezultont i arrestuar për trafik ndërkombëtar droge. Endrit Alibeaj (Dylgjeri) mendohet se ka qenë shenjestra e atentatit vitin e kaluar ku mbëtën të vdekur tre persona.

Ngjarja që i mori jetën të riut Andi Zylyfi dyshohet për larjes hesapesh midis fiseve, megjithëse 23 vjeçari nuk ka precedentë penalë të mëparshëm.

Lidhur me këtë ngjarje reagoi edhe policia. Në njoftimin e shpërndarë për mediat, ajo njoftoi se janë nisur disa pika kontrolli për të bërë të mundur zbardhjen e ngjarjes.

Njoftimi i plotë i policisë:

Nē aksin rrugor Elbasan- Peqin, në fshatin Përparim, në drejtim të një mjeti është qëlluar me armē zjarri në rrethanat ende të paqarta, dhe si pasojë kanë mbetur të plagosur shtetasit: A.Z., rreth 23 vjec dhe A.U., 21 vjeç, banues në fshatin Përparim, Peqin, të cilët janë transportuar në Spitalin e Elbasanit për pasojë shtetasi A.Z., ka ndëruar jetë.

Shërbimet e Policisë kanē ngritur pika kontrolli në hyrje dhe dalje të Qytetit të Peqinit. Policia ka ngritur pika kontrolli ne akset rrugore dhe po krihet zona ku dyshohet se janë laguar autorët.

Në ndihmë të Policisë së Elbasanit janë nisur dhe një grupe FNSH-së si dhe Specialistë të Drepartamentit të Policisë Kriminale. Po punohet intensivisht me grup të posaçëm hetimor për identifikimin dhe kapjen e autorit/ëve.

Bëhet e ditur se në aksin Peqin-Elbasan, ku ndodhi atentati, vitin e kaluar në të njëjtin vend është organizuar atentat edhe ndaj djalit të hallës së viktimës së sotme.

Shpërndaje në: