Profesori i nderuar: Albinin po e ulë teposhtë një ‘grushti besnikësh’, populli po e sheh që s’ka ndryshime
Profesori i nderuar, Avdi Smajlaj, ka komentuar rezultatet e zgjedhjeve komunale të 17 tetorit që ishin një debakël total për Vetëvendosjen dhe Albin Kurtin parë nga perspektiva e 14 shkurtit.
Smajlaj ka disa komente mjaft interesante duke i lënë fajin një “gushti besnikësh” të Albin Kurtit, dhe besimit që ky i fundit ka në ta.
Nuk dihet se cilët janë emrat e këtij grushti besnikësh që i rrinë afër Kurtit.
“Duke mos e parë fillimin e ndryshimit nga zgjedhjet e 14 Shkurtit, [sovrani] ri-kërkoj sërish ndryshimin, duke pritur që mesazhi i votës të jetë lexuar saktësisht.” – shkruan ai, përcjell Periskopi.
Ai ka kërkuar që të ketë ndryshime në partinë e Vetëvendosjes.
Statusi i plotë:
Sovrani/ja për herë të dytë brenda një viti kërkoj ndryshimin përmes votës.
Duke mos e parë fillimin e ndryshimit nga zgjedhjet e 14 Shkurtit, ri-kërkoj sërish ndryshimin, duke pritur që mesazhi i votës të jetë lexuar saktësisht.
Kështu do të duhej lexuar sjellja e votuesit në dy palë zgjedhjet e fundit.
Partitë e opozitës si duket filluan të reflektojnë deri në njëfarë mase, me kandidatë, fushatë, e program më të mirë, krahasuar me të kaluarën. Kjo edhe iu shpërblye këtyre partive.
Radhën e ka partia në pushtet, duhet reflektuar drejtë dhe krejt.
E para që duhet bërë është që kjo parti së bashku me liderin e saj duhet të filloj ti besoj popullit, ashtu siç populli i besoj atij në Shkurt, dhe e nxorri në partinë e parë.
Nëse vazhdon ti besoj vetëm një grushti besnikësh afër liderit, siç vepron tani, në zgjedhjet e radhës do të pësoj humbje edhe më thellë, duke u kthyer pastaj nga votat popullore në votat e militantëve, që janë të pamjaftueshme për të qenë edhe partia e katërt e lere më partia e parë.
Ashtu siç populli i besoj me 14 Shkurt, do të duhej edhe VV dhe lideri i saj ti besoj popullit, e jo vetëm një grushti ‘besnikësh’.
Ky lloj besimi/dyshimi është manifestuar dhe deklaruar në mënyrë eksplicite nga lideri i VV, për çështjen e partizimit, nepotizmit, etj., se duhet të punoj me njerëz të besueshëm’.
Nuk do të duhej parë me frikë popullin që të votoj me 14 Shkurt.
Fundja është punë e partive të vendosin për fatin e tyre.