Qytetarë të papërgjegjshëm po kyçin kanalizimet në kanalet kabllovike të KEDS

Periskopi.com Lajme

Qytetarë të papërgjegjshëm po bëjnë veprime kriminale duke kyçur kanalizimet e tyre në kanalet kabllovike të KEDS-it ku janë kabllot që furnizojnë qytetarët me energji elektrike. Kjo po rrezikon direkt furnizimin me energji elektrike, sigurinë e sistemit, sikurse sigurinë e qytetarëve.

Një rast konkret që ndërlidhet direkt me këtë fenomen të papranueshëm ka ndodhur së fundmi në lagjen Veternik (magjistralja Prishtinë-Gjilan), ku një qytetar është kyçur me rrjetin e kanalizimit të ujërave të zeza në kanalin kabllovik të KEDS. Ekipet e kompanisë kanë intervenuar menjëherë duke e bërë pastrimin e kanalit dhe zëvendësimin e stabilimentit, në mënyrë që konsumatorët e asaj ane të mos mbesin pa furnizim me energji elektrike.

Raste të tilla po ndodhin vazhdimisht në lagje të ndryshme të Prishtinës.

KEDS u bënë me dije qytetarëve që veprime të tilla janë vepra penale rreptësishtë të ndaluara. Ftojmë organet e rëndit dhe të drejtësisë që të merren me adresimin e rasteve të tilla në mënyrë që të mos përsëriten në të ardhmen.

Mobilizohen ekipet e KEDS për shkak të erërave të fuqishme që po mbretërojnë në vend

Periskopi.com Lajme

Përkundër vështirësive për shkak të pandemisë, ekipe të shumta të KEDS janë mobilizuar paraprakisht për të përballuar erërat e forta që po shkaktojnë prishje në rrjet. Ata janë të pajisur me të gjitha makineritë e disponueshme dhe janë duke intervenuar në zonat e afektuara nga këto kushte atmosferike.

Erërat kryesisht janë të koncentruara në rajonin e Dukagjinit, por janë duke u përhapur edhe në pjesët tjera të Kosovës, si në Prishtinë e Prizren.

KEDS u bën apel qytetarëve që të bashkëpunojnë me ekipet në terren dhe të mos i afrohen rrjetit elektrik nëse e shohin të dëmtuar por t’a raportojnë atë përmes Qendrës së Thirrjeve në numrin pa pagesë: 0800 791 00 si dhe përmes rrjeteve sociale të kompanisë.

KEDS përmes rrjeteve sociale do t’i mbaj konsumatorët e informuar për gjendjen ne vend.