Marsi, muaji i ‘Dardanëve’ – ja të gjitha ndeshjet që do t’i luaj Kosova këtë vit

Periskopi.com Sporti

 

Kosova do të nis kampanjën kualifikuese në muajin mars për Kampionatin Botëror “Katar 2022”, shkruan Periskopi.

Kombëtarja e Kosovës do të luajë miqësore me Kombëtaren e Lituanisë në prag të ndeshjeve kualifikuese për Botërorin 2022. Marrëveshja ndërmjet dy federatave tashmë është arritur dhe ndeshja do të zhvillohet më 24 mars në Prishtinë.

Më poshtë Periskopi ua sjell orarin e ndeshjeve për kualifikimet e botërorit 2022.

KOSOVË – Lituani /24 mars 2021

28 mars 2021 / KOSOVË vs Suedi

31 mars 2021/ Spanjë – KOSOVË

 

02 shtator 2021 / Gjeorgji – KOSOVË

05 shtator 2021 / KOSOVË – Greqi

08 shtator 2021 / KOSOVË – Spanjë

 

09 tetor 2021 / Suedi – KOSOVË

12 tetor 2021 / KOSOVË – Gjeorgji

14 nëntor 2021 / Greqi – KOSOVË

/Periskopi

“Kosova tingëllon si luftë, mërgim, vdekje, prej shekujsh”

Periskopi.com Sporti

Prestigjozja spanjolle “Marca”  i ka kushtuar një artikull Përfaqësueses së Kosovës, pasi djelmoshat tanë në kualifikimet për Kupën e Botës që mbahet në Katar në vitin 2022 janë në Grupin B me Spanjën, Suedinë, Greqinë dhe Gjeorgjinë.

Asnjë lojtar i ekipit të Kosovës nuk ka lindur në shtetin e tij. Të paktën në vendin që e shpalli pavarësinë më 17 shkurt, 2008. Një pjesë e lojtarëve që do të jenë rivalë të Spanjës në kualifikimet për Botërorin ‘Katari 2022’ panë dritën në mërgim: Zvicër ose Suedi; të tjerët u lindën në qytetet e Kosovës, por kur ai territor i përkiste Serbisë apo Jugosllavisë. Duhet të presim edhe disa vjet që të lindurit në Kosovën e pavarur, shtet i pranuar nga FIFA në majin e 2016-s me të drejta të plota, të arrijnë ekipin përfaqësues”, kështu e fillon artikullin e gjatë për Kosovën.

Sipas Marcas, “Kosova tingëllon si luftë, mërgim, vdekje, prej shekujsh”. Në shkrimin ku është komentuar edhe “Beteja e Kosovës” e vitit 1389, mes serbëve dhe Perandorisë Osmane, e që nga Serbia edhe pse kishte humbur, tashmë njihet si festë kombëtare, transmeton Sinjali Sportiv.

Lojtarët e Kosovës kanë çfarë të thonë për luftërat në Ballkan. Fëmijëria e tyre nuk ka lidhje me atë të rivalëve të tashëm. Në shkrimin e Marca flitet për të kaluarën e sulmuesit Vedat Muriqi, lojtarit të Lazios që u lind më 1994 në Prizren.

Mediumi shkruan se si ai ishte rritur nën zhurmën e kallashnikovëve dhe si ishin mbajtur në një tavernë me 50 njerëz të tjerë, e duke fjetur në kuti të shisheve, ndërsa kishin vetëm dy litra qumësht për të gjithë, e se si ishte ushqyer vetëm me bukë e qepë.

Muriqi kishte nisur futbollin për Lirinë e Prizrenit, kur ishte vetëm nëntëvjeçar.

Sa i përket historisë së Milot Rashicës, i lindur në Vushtrri më 1996, Marca ka treguar se familja e lojtarit kishte qëndruar në shtëpi dhe u kishin mbijetuar bombardimeve.

Ai u rrit në Mitrovicë deri në kohën kur e zbuloi Vitesse ku nisi karrierën që e çoi në Werder Bremen.

Për kapitenin Samir Ujkani, të lindur në Vushtrri, është thënë se kujtimet e tij të fëmijërisë janë në Belgjikë.

Valon Berisha u lind në Suedi më 1993, pasi prindërit e tij kishin migruar nga Podujeva. Berisha u paraqit për Norvegjinë për 20 ndeshje, para se më 2016 FIFA- të bënte hapin historik në rregullatorë.

Përjashtimi absolut

Kur u mor vendimi nga Zvicra që Kosova të garonte lirshëm edhe pa u njohur nga shumë shtete, përfshirë Spanjën, politika u largua nga sporti.

Këtë Marca e ka cilësuar si përjashtim absolut të bërë nga FIFA. “Si mundet një ekip përfaqësues i një shteti të lindur vetëm tetë vjet më herët të luajë më 2016? FIFA u përball me rastin që ishte: përjashtim absolut.

Për këtë arsye, kur Kosova debutoi në Eliminatoret për Botërorin e Rusisë, në barazimin 1-1 me Finlandën më 2016, gjashtë lojtarëve iu lejua të ndryshonin përfaqësueset pa u mbështetur në rregullore”, shkruan tutje Marca.

Këtu ka përmendur Amir Rrahmanin, Alban Mehën, Herolind Shalën, Milot Rashicën e Samir Ujkanin që kishin luajtur për ekipin A të Shqipërisë dhe Valon Berishën që ishte paraqitur te Norvegjia.

Ankesat e Zvicrës

Në ndeshjet e fundit të Kosovës, në nëntor, vetëm pesë lojtarë s’janë paraqitur në të kaluarën me flamuj të tjerë. Sipas Marcas shtatë ishin që kanë luajtur për Shqipërinë, katër për Norvegjinë, dy për Zvicrën dhe nga një për Suedinë e Austrinë.

Ndër tjerash, është theksuar edhe ankesa që Federata e Zvicrës kishte bërë për ndryshimin e përfaqësueses së lojtarëve, duke shprehur frikën për lojtarët e mëdhenj si Xherdan Shaqiri e Granit Xhaka, që ishin gjobitur për festën me shqiponjë, simbolin e shqiptarëve në fitoren ndaj Serbisë në Botëror.

Oferta për Adnan Januzajn

Marca ka shkruar edhe për Adnan Januzajn e Belgjikës për ofertën që i kishte bërë Kosova, dhe për përzgjedhjen e fundit të tij që mbeti të luante për Belgjikën.

Tani Kosova po përgatitet për ndeshjen me Spanjën në një grup ku vetëm Suedia e njeh si shtet. Përfaqësuesja e Kosovës në futboll do të luajë në grup me Spanjën në kualifikimet për Botërorin e vitit 2022. Kosova është në grupin B së bashku edhe me Suedinë, Greqinë dhe Gjeorgjinë.

Ndeshja të luhet në fushën spanjolle

Spanja është një nga 79 shtetet e Kombeve të Bashkuara që s’e njohin Kosovën shtet. Gjithsesi, sipas Marcas, qeveria aktuale e Pedro Sanchezit ka dërguar sinjale të përmirësimit të situatës. Pasaporta e Kosovës nuk lejohet të hyjë në Spanjë, sikurse nuk njihen as flamuri e himni.

Por, pavarësisht kësaj, Federata beson që s’do të ketë telashe që ndeshjet mund të luhen si në Spanjë, ashtu edhe në Prishtinë. “Po flasim për rregullat e FIFA-s”, ka thënë Ministria e Jashtme

Kosova në vazon e pestë për kualifikimet e Botërorit

Periskopi.com Sporti

anë zbuluar vazot për kualifikimet në Kampionatin Botëror 2020 që mbahet në Katarpas përditësimit të listës nga FIFA, shkruan Insporti.

Kosova do të jetë në vazon e pestë për këto kualifikime. Shorti do të tërhiqet më 7 dhjetor.

‘Dardanët’ nuk mund të jenë në të njëjtin grup me Rusinë, Serbinë dhe Bosnjën, si dhe me ekipet që janë në të njëjtën vazo.

Rregulli i fundit vlen edhe për Shqipërinë, e cila është në vazon e katërt. Megjithatë, ‘Kuqezinjtë mund të luajnë me cilëndo kombëtare evropiane.

Kosova në krizë, ‘Dardanët’ në 10 ndeshje asnjë fitore

Periskopi.com Sporti

Përfaqësuesja e Kosovës ka vazhduar me humbje, duke u mposhtur nga Sllovenia në ndeshjen e mbrëmshme në Ljublanë. 

Ndeshja e vlefshme për grupin C3 u mbyll me rezultat 2:1, me dy skuadrat që kishin raste të shumta shënimi.

Por, me këtë humbje “Dardanët” kanë shkuar në dhjetë ndeshje pa fitore.

Futbollistët e përzgjedhësit së Kosovës, Bernard Challandes në dhjetë përballjet e fundit kanë tetë humbje dhe vetëm dy barazime.

Dy barazimet Kosova i ka arritur me Moldavinë në udhëtim ku luajti 1:1, kurse barazimin e dytë Përfaqësuesja A e Kosovës e ka marrë me Greqinë në stadiumin “Fadil Vokrri”.

Fitorja e fundit e Kosovës ishte ndaj Malit të Zi në Prishtinë me rezultat të pastër 2:0.

Erdhi dita e ndeshjes vëllazërore, Shqipëri-Kosovë

Periskopi.com Sporti

Shqipëria dhe Kosova zhvillojnë sot një ndeshje miqësore.

Shqipëria dhe Kosova do të zhvillojnë sot një ndeshje vëllazërore për të parë nivelin dhe përgatitjen fizike të lojtarëve para ndeshjeve të rëndësishme në kuadër të Ligës së Kombeve, raporton KosovaPress.

Para ndeshjes, trajneri i Shqipërisë, Edi Reja, theksoi se do të bëjë disa eksperimente në formacionin atartues kundër Kosovës, derisa trajneri i Kosovës, Bernard Challendes, e cilësoi si të panevojshme këtë miqësore në këtë kohe pandemie si dhe para dy sfidave me Slloveninë dhe me Moldavinë.

Si Shqipëria, ashtu edhe Kosova do t’i kenë disa mungesa të rëndësishme për shkak se disa lojtarë që luajnë në ekipe të mëdha evropiane, nuk janë lejuar të udhëtojnë për shkak të rrezikut të infektimit me virusin Covid-19.

Ndeshja zhvillohet me fillim nga ora 16:00 dhe pa praninë e tifozëve.

Lajm i mirë për Kosovën: Dy futbollistët e Serie A lejohen të luajnë për ndershjet e nëntorit

Periskopi.com Sporti

Kosova do t’i zhvillojë tri ndeshje gjatë javës së ardhshme.

Dardanët luajnë me Shqipërinë një ndeshje miqësore dhe më pas me Slloveninë dhe Moldavinë në Ligën e Kombeve.

Ende nuk dihet nëse do të lejohen të gjithë lojtarët që të udhëtojnë drejtë Prishtinës pasi disa klube kanë vendosur të mos i lirojnë lojtarët.

Indeksonline mëson se Torino iu ka dhënë leje Megim Vojvodës dhe Samir Ujkanit që të bashkohen me Kosovën.

Portieri dhe mbrojtësi që po shkëlqen në Serie A do të udhëtojnë nesër drejtë Prishtinës.

Në dyshim mbetet ende ardhja e Vedat Muriqit dhe Amir Rrahmanit pasi është raportuar se klubet nuk do ta lirojnë asnjë lojtar për ndeshjet ndërkombëtare.

Sllovenia publikon listën e futbollistëve për ndeshjen ndaj Kosovës, rikthehet ylli i Ligës së Kampionëve

Periskopi.com Sporti

Kombëtarja e Kosovës do të luaj sfidën ndaj Sllovenisë në kuadër të Ligës së Kombeve me 15 nëntor.

Në takimin e parë të zhvilluar në Prishtinë në stadiumin “Fadil Vokrri”, Dardanët u mposhtën me shifrat 0:1, ndërkohë do tentojnë që të bëjnë më mirë në takimin e dytë që zhvillohet në Slloveni.

Skuadra e drejtuar nga Matjaz Kek, e cila është aktualish lidere e grupit C, ka publikuar listën zyrtare të futbollistëve për ndeshjet e nëntorit, ku spikat rikthimi i yllit të Atalantas, Josep Ilicic.

Lista e plotë

Portierë: Oblak, Belec, Rozman

Mbrojtës: Stojanovic, Balkovec, Skubic, Mevlja, Blazic, Mitrovic, Stankovic, Jurcevic

Mesfushorë: Kouter, Kurtic, Bijol, Vetrih, Zajc, Lovric, Ilicic

Sulmues: Tijanic, Sporar, Verbic, Bohar, Vuckic, Matavz

Sllovenia mbërrin në Prishtinë para ndeshjes me Kosovën nesër mbrëma

Periskopi.com Sporti

Ekipi slloven i futbollit ka mbërritur në Prishtinë, ku nesër në mbrëmje do të luajë ndeshjen e tretë në Ligën e Kombeve.

Kosova e pret Slloveninë në “Fadil Vokrri”, ku ne aktualisht kemi një pikë nga dy ndeshjet e para në Grupin C, ndërsa sllovenët kanë tubuar deri tani katër pikë.

Ekspedita e sllovenëve ka arritur në Prishtinë, dhe vjen pas fitores ndaj San Marinos në miqësore me rezultat 4-0.

Sllovenia do të zhvillojë një seancë zyrtare stërvitore në stadiumin “Fadil Vokrri” në ora 18:00 pasdite.

Ndeshja mes Kosovës dhe Sllovenisë do të zhvillohet nga ora 20:45.

Maqedonia e Veriut publikon listën e futbollistëve për ndeshjen kundër Kosovës, fton Pandevin që doli pozitiv me koronavirus

Periskopi.com Sporti

Trajneri i Maqedonisë së Veriut, Igor Angelovski ka publikuar listën zyrtare të lojtarëve të ftuar për takimin ndaj Kosovës.

Igor Angelovski ka përpiluar listën prej 23 lojtarësh të cilët janë ftuar për ndeshjen historike ndaj Kosovës, takim ky i vlefshëm për një vend në finale të Ligës së Kombeve, finale që garanton një biletë në Kampionatin Evropain të vitit të ardhshëm.

Mesfushori i Napolit, Elif Elmas është jashtë listës pas testimit pozitiv me coronavirus, mirpo befasi qëndron tek thirrja e futbollistit të Genoas, Goran Pandev i cili ditë më parë rezultoi pozitiv për Covid 19.

Goran Pandev është lojtari më i rëndësishëm i Maqedonisë së Veriut, duke qenë futbollisti me më së shumti paraqitje (110) dhe më së shumti gola (34).

Image

Ftesa e Pandevit është një shkelje e rregullave të FIFA-së, duke qenë se lojtari do duhej të ishte në karantinë dy javore që prej diagnostikimit pozitiv me koronavirus.

Goran Pandev - Profilo giocatore 20/21 | Transfermarkt

Kosova luan ndeshjen historike ndaj Maqedonisë së Veriut javën tjetër në Shkup, takim ky i vlefshëm për kualifikim në Kampionatin Evropian të vitin 2021.

Me fansa apo pa? Merret vendimi final për ndeshjen Maqedoni e Veriut – Kosovë

Periskopi.com Sporti

Ndeshja në mes Maqedonisë së Veriut dhe Kosovës do të zhvillohet pa tifozë.

Lajmin për këtë takim të vlefshëm për fazën e play-offit të Ligës së Kombeve e ka bërë të ditur Federata e Futbollit të Maqedonisë së Veriut, sipas ‘Indeksnline’, transmeton Periskopi.

Federat maqedone shkruan se të gjithë mjetet e grumbulluar më herët nga shitja e biletave për ndeshjen me Kosovën, do t’i kthehen secilit tifozë.

“Bordi i Drejtorëve të Federatës së Futbollit të Maqedonisë në seancën e sotme vendosi që mjetet nga shitja e biletave për ndeshjen Maqedoni – Kosovë të kthehen”.

Kujtojmë se ndeshja mes Maqedonisë së Veriut dhe Kosovës do të zhvillohet me 8 tetor në stadiumin.

Përcaktohet gjyqtari që do ta ndajë drejtësinë në ndeshjen Maqedoni e Veriut – Kosovë

Periskopi.com Sporti

Përfaqësuesja e Kosovës do ta zhvillojë ndeshjen më të rëndësishme në histori të saj.

Më 8 tetor në Shkup, Dardanët do të luajnë me Maqedoninë e Veriut në ndeshjen gjysmëfinale të Divizonit D të Ligës së Kombeve.

Dy skuadrat duan një biletë për finale, pasi objektivi i të dyjave është arritja në Euro 2021.

E tanimë për këtë ndeshje shumë të rëndësishme për dy ekipet Përfaqësuese është caktuar edhe gjyqtari që do ta ndajë drejtësinë.

Shtëpia më e madhe e futbollit evropian, UEFA ka vendosur që takimi të gjykohet nga gjyqtari holandez me përvojë të madhe Danny Makkelie.

Ky gjyqtar ka një përvojë të madhe në ndeshjet ndërkombëtare, teksa së fundmi ka gjykuar edhe në finalen e Ligës së Evropës mes Sevillës dhe Interit.

Edhe ndihmësit e tij do të jenë nga Holanda në ndeshjen që pritet të luhet të enjten me fillim nga ora 20:45.

Tifozët e Leeds Utd çmenden pas flamurit të Kosovës, flet kosovari që la Barcelonën për këtë ekip

Periskopi.com Sporti

Leeds United ia doli që të rikthehej në Premier Ligë pas 16 vitesh dhe e ka nisur mirë sezonin duke e shënuar fitoren e parë që në ndeshjen e dytë. Por, loja senzacionale e këtij ekipi ka bërë që të ketë ndryshime emocionale mes shumë tifozëve anë e mbanë botës – pa përjashtuar Kosovën. 

Së fundi, një tifoz futbolli nga Kosova ka shpërndarë një fotografi në një nga grupet e tifozëve të Leeds United ku duket me një fanellë të këtij ekipi dhe me flamurin e Kosovës.

Por, ky flamur ishte i veçantë pasi që në hartë në vend të ngjyrës së artë ka emblemën e ekipit që drejtohet nga Marcelo Bielsa.

Tifozi në fjalë, L.B. tregon për Periskopin se është tifoz i këtij ekipi që nga viti 2018, kur si kryetrajner erdhi argjentinasi karizmatik. Leeds në atë kohë kishte rezultate dëshpëruese në kategorinë e dytë angleze, EFL Championship.

Ai thotë se është fascinuar me mënyrën se si luan ky ekip futbolli, me historinë shumë të veçantë dhe me tifozët e flaktë.

L.B. nga Prishtina thotë se para se të binte në dashuri me Leeds United-in kishte qenë tifoz i ekipit të madh katalanas Barcelona.

“Po, unë isha tifoz i Barcelonës, por një shok (tifozi i parë i Leedsit në Kosovë, J.Buja) më tregoi gjithçka për këtë klub dhe menjëherë u dashurova në të. Ishte mahnitës.” – thotë ai.

Ndërkohë që tifozët e Leeds e kanë pëlqyer shumë flamurin e Kosovës me emblemën e Leedsit ngjitur, dhe madje kanë treguar shumë fotografi në këtë grup të kohës kur ishin në Kosovë për ta përcjellë ndeshjen Anglia-Kosova.

Një tifoz i Leeds United në Prishtinë para ndeshjes Angli-Kosovë

 

Tifozët e Leeds lënë shenjën e tyre në rrethojat e stadiumit “Fadil Vokrri”

Leeds United dje fitoi 4-3 ndaj Fulhamit në shtëpi, ndërkohë javën e kaluar kishte humbur po 4-3 nga Liverpooli në Anfield Road. /Periskopi 

Kosova e Shqipëria bashkohen edhe në volejboll

Periskopi.com Sporti

Komiteti Olimpik Kombëtar i Shqipërisë ka njoftuar për një tjetër marrëveshje në sport mes Kosovës dhe Shqipërisë.

Pasi u bashkuan në një ligë basketbolli mbrëmë, Kosova dhe Shqipëria kanë bërë sot edhe një tjetër hap.

Federata e Volejbollit të Kosovës dhe Federata e Volejbollit të Shqipërisë janë pajtuar për një ligë të përbashkët, përcjell lajmi.net.

Këtë e ka konfirmuar KOKSH përmes ‘Twitter’.

Ky shihet si një lajm i madh për volejbollin, pasi pritet rritje kualiteti dhe konkurrence. 

Sot shkruhet historia: Kosova dhe Shqipëria bëhen një

Periskopi.com Sporti

Sot do të nënshkruhet marrëveshja. Sot do të hedhet e zeza mbi të bardhën. Sot do të jetësohet ëndrra e shumë shqiptarëve. Sot, është dita vendimtare.

Pas një pune të gjatë dhe intenstive, në Tiranë (ora 19:00), do të nënshkruhet marrëveshja për formimin e Ligës Unike mes Kosovës dhe Shqipërisë.

Një ligë me tetë skuadra. Katër më të mirat nga të dy vendet. Ëndrra e kamotshme bëhet realitet për formimin e një lige mes dy vendeve shqiptare.

Federata e Basketbollit e Kosovës (FBK) dhe Federata e Basketbollit e Shqipërisë (FSHB) kanë punuar një kohë të gjatë për këtë projekt madhor, që sot bëhet realitet.

Marrëveshjen do ta nënshkruajnë, Presidenti i FSHB-së, Z. Avni Ponari, kryetari i FBK-së, Z. Arben Fetahu, në praninë e Znj. Besa Shahini, Ministre e Arsimit, Sportit dhe Rinisë në Shqipëri dhe Znj. Vlora Dumoshi, Ministre për Kulturë, Rini dhe Sport e Kosovës.

I pranishëm në këtë ceremoni do të jetë edhe Kryeministri i Republikës së Shqipërisë, Z.Edi Rama, i cili njëherësh do të zbulojë edhe logon e Ligës UNIKE.

Gjithashtu në ceremoninë e nënshkrimit të marrëveshje do të jetë edhe Presidenti i FIBA Europës, Turgay Demirel.

Demirel, vitin e kaluar kishte qenë në Kosovë për të ofruar përkrahje për basketbollin e Kosovës.

Andin Lokaj: Ujku është i plagosur, shërohet në tetor

Periskopi.com Sporti

Gazetari dhe opinionisti i Periskopit, Andin Lokaj ka reaguar pas humbjes së Kombëtares së Kosovës 2-1 kundër Greqisë në ‘Fadil Vokrri’, e vlefshme për Grupin 3 të Ligës C të Kombeve.

Ishte një përballje në të cilën ”Dardanët” u futën me jashtëzakonisht shumë mungesa, dhe këtë e di mirë Lokaj, i cili për Redaksinë e Periskopit është shprehur:

“Ujku ishte i plagosur, do të shërohet në tetor.

“Nuk kemi mundur më shumë në këtë periudhë të vështirë, madje mirë u mbajtëm sonte me gjithë ato mungesa, personalisht kam prit që të pësojmë humbje më të thellë sepse ishim të shpërndarë si ekip, djelmoshat u munduan maksimalisht dhe duhet t’i përkrahim deri në frymën e fundit.

”Tetori kundër Maqedonisë do të na gjejë të bashkuar e të kompletuar dhe jam i bindur që do të jetë shumë më ndryshe, djelmoshat tonë janë heronj të vërtetë dhe shtylla e shtetit tonë,” përfundoi Lokaj. /Periskopi.com/

Llogaria zyrtare e Federatës greke publikon video interesante nga Prishtina para ndeshjes

Periskopi.com Sporti

Përfaqësuesja e Kosovës do ta zhvillojë sonte ndeshjen e dytë në kuadër të edicionit të ri në Ligën e Kombeve.

“Dardanët” e udhëhequr nga Bernard Challandesi do të jenë nikoqirë të Kombëtares së Greqisë.

Pas barazimit (1:1) me Moldavinë të enjten që lamë pas, Kosova synon tri pikët e para në Prishtinë kundër helenëve.

Nga ana tjetër, Kombëtarja greke me të zbarkuar në Prishtinë, është vendosur në hotel “Internacional”, në hymje të kryeqytetit.

Gjatë ditës së sotme, Federata e Futbollit të Greqisë ka publikuar një video interesante të futbollistëve helenë nga vendi ku po qëndrojnë para ndeshjes së sontme.

“Mirëdita nga Prishtina”, shkruhet në videon e FFG-së. VIDEO.

Ndryshe, ndeshja e sotme mes Kosovës dhe Greqisë nis nga ora 20:45.

Shtohet presioni mbi grekët, shpaloset shqiponja dykrenare

Periskopi.com Sporti

Përballja me Greqinë nuk ka mundur t’i shpëtojë as ndjesive patriotike në Kosovë.

Pranë stadiumit “Fadil Vokrri” të Prishtinës, aty ku do të luhet sfida e radhës së Ligës së Kombeve Kosovë-Greqi është shpalosur një flamur i madh shqiptar në një ndërtesë pranë stadiumit.

Për t’i dhënë më tepër shtysë kësaj sfide, tifozët në Kosovë japin mesazhin se Greqia sot do të përballet me dy shtete: Shqipërinë dhe Kosovën.

Kujtojmë që tifozët e Kosovës kanë ndezur atmosferën para sfidës me kombëtaren helene. “Dardanët” e drejtuar nga Bernard Shaland do të kërkojnë medoemos fitoren ndaj Greqisë pas barazimit me Moldavinë 1-1.

118888781_1239135443123369_591663580193134814_n

Kosovë-Greqi: Kjo është katërshja e gjyqtarëve që do ndajë drejtësinë

Periskopi.com Sporti

E gjithë vëmendja e adhuruesve të futbollit në Kosovë sonte qëndron te kombëtarja Dardane.

‘Djemtë e Vokrrit’ do të zbresin në fushën e blertë me fillim nga ora 20:45, për përballjen kundër Greqisë.

UEFA ka caktuar gjyqtarin cek, Pavel Kralovec që të ndajë drejtësinë në këtë takim.

Asistentët e Pavel do të jenë Ivo Nadvornik dhe Tomas Moukrusch, po ashtu nga Çekia.

Gjyqtari i katërt do të jetë Miroslav Zelinka.

Mbetet të shihet se çfarë rezultati do të marrë Kosova sonte, me fillim nga ora 20:45. 

Tribuna e ‘Fadil Vokrrit’ mbulohet me mesazhin për heronjtë e vërtetë

Periskopi.com Sporti

Kosova e Greqia sot përballen ndërmjet vete në kuadër të Ligës së Kombeve, sfidë kjo që zhvillohet ën stadiumin “Fadil Vokrri” nga ora 20:45.

Të dyja skuadrat kampanjën në Ligën e Kombeve e nisen me barazim. Kosova luajti ndaj Moldavisë me rezultat 1:1 ndërsa Greqia me Slloveninë 0:0. Trajneri i Kosovës Bernard Challandes, ka thënë se nëse e dëshirojmë triumfin në këtë grup atëherë medoemos duhet mposhtur Greqinë që është edhe favorite e grupit.

Gjithçka duket gati derisa kryetari i “Dardanëve” Lulzim Berisha ka treguar edhe mesazhet që do të shihen sot gjatë ndeshjes. Stadiumi tashmë ka marrë një pamje interesante dhe për shkak se tribunat do të jenë të zbrazura pa publikë, aty janë vendosur disa mesazhe interesante.

“Faleminderit heronj të betejës kundër Covid!”, është një nga mesazhet që do të shihet në stadium dedikur mjekëve tanë.

Image

Këto dy kanale televizive e transmetojnë ndeshjen Kosovë-Greqi

Periskopi.com Sporti

Kosova e Greqia sot përballen ndërmjet vete në kuadër të Ligës së Kombeve, sfidë kjo që zhvillohet ën stadiumin “Fadil Vokrri” nga ora 20:45.

Të dyja skuadrat kampanjën në Ligën e Kombeve e nisen me barazim. Kosova luajti ndaj Moldavisë me rezultat 1:1 ndërsa Greqia me Slloveninë 0:0. Trajneri i Kosovës Bernard Challandes, ka thënë se nëse e dëshirojmë triumfin në këtë grup atëherë medoemos duhet mposhtur Greqinë që është edhe favorite e grupit.

Ndeshja luhet pa praninë e publikut për shkak të situatës me COVID-19, kështu që adhuruesit e futbollit do të kenë mundësi ndeshjen ta shikojnë në dy televizione, në RTK dhe në Super Sport.