Insiston AAK-ja: Të mos hiqet taksa, falë saj qytetarët u vetëdijesuan të konsumojnë produkte vendore

Periskopi.com Lajme

Grupi Parlamentar i Aleancës për Ardhmërinë e Kosovës (AAK) ka organizuar tryezë për taksën 100 për qind ndaj produkteve nga Serbia dhe Bosnja.

Në këtë tryezë u tha se vendosja e taksës ndaj produkteve serbe dhe boshnjake ishte e domosdoshme, duke parë veprimet destruktive të Serbisë që e cenua shtetësinë e Kosovës.

Deputeti e AAK-së, Gazmend Abrashi ka thënë se Serbia vazhdon ta kërkojë tregun, por jo ta pranoj shtetësinë e Kosovës.

“Ka kaluar kohë e gjatë prej kur Kosova ka filluar negociatat me Serbinë për marrëveshje e ashtuquajtura teknike me ndërmjetësimin e Komisionit Evropian, e udhëhequr nga Baronesha Eshton e vazhduar me Mogherinin. Gjatë kësaj kohë ka pasur pakënaqësi dhe reagime nga partitë politike gjatë dialogut”.

“Qeveria e Kosovës në tetor të vitit 2018 merr vendim për vendosjen e taksës fillimisht të 10 për qind e më pas 100 për qind ndaj produkteve serbe dhe boshnjake dhe nga ajo kohe nga 500 milionë euro sa ishte eksporti i Serbisë në Kosovë, bie pothuajse në nivelin zero”.

“Vendosja e taksës 100 për qind ishte instrumenti i vetëm me të cilën do të reagonte Kosova ndaj të gjitha veprimeve destruktive të Serbisë që po cenojnë shtetësinë e Kosovës. Serbia vazhdon ta kërkojë e ta pranoj tregun, por jo edhe shtetësinë e Kosovës dhe mirëqenien e qytetarëve të saj”, ka thënë Abrashi.

Agim Shahini, kryetar i AKB-së, tha se taksa përveç aspektit ekonomik ka ndikuar edhe në vetëdijesimin e qytetarëve për të konsumuar produkte vendëse.

“Aleanca Kosovare e Biznesit e ka vlerësuar taksën si aset ekonomik dhe diplomatik. Efekti i taksës ka rritur 100 milionë ekonominë e Kosovës, por ka rritur edhe vetëdijesimin e qytetarëve për të konsumuar produkte vendore. AKB-ja gjithmonë do të jetë me bizneset që ne flasim në emër të tyre”, ka thënë ai.

 

AAK nesër vendos për mënyrën e kundërshtimit ndaj Reciprocitetit të Kurtit

Periskopi.com Lajme

Aleanca për Ardhmërinë e Kosovës nesër pritet të vendos për veprimet që do i ndërmarrë si grup parlamentar karshi idesë së kryeministrit të Kosovës, Albin Kurti për heqjen e taksës 100 përqind ndaj mallrave të Serbisë dhe Bosnje e Hercegovinës dhe zëvendësimin e saj me masën e reciprocitetit. Kështu ka bërë të ditur deputeti i këtij subjekti politik, Rasim Selmaj, i cili foli lidhur me mbledhjen e jashtëzakonshme që AAK do ta mbaj nesër.

Në këtë mbledhje temë diskutimi është paralajmëruar të jetë edhe paralajmërimi i ministrit të Infrastrukturës, Lumir Abdixhiku për anulimin e projektit të autostradës së Dukagjinit dhe atë të Anamoravës.

Selmanaj lidhur me këtë mbledhje i ka thënë KosovaPress-it, se AAK nuk e kundërshton masën e reciprocitetit, por heqjen e taksës.

Madje kërkoi sqarime se si do veprojë qeveria Kurti me vendosjen e masës së reciprocitetit kar shi Serbisë.

Deputeti i AAK-së thotë se në mbledhjen e nesërme do i diskutojnë edhe mundësinë e kundërshtimit të heqjes së taksës përfshirë edhe protestat.

“Në nuk jemi kundër reciprocitetit, ne jemi kundër heqjes së taksës edhe çështja e reciprocitetit është mirë me u sqarua me dhënë detaje edhe në parlament me u diskutua se si do të duket ky reciprocitet, masat që do i ndërmerr Kosova si shtet…Për mënyrën se si do të sillemi dhe çfarë veprime do ndërmarrim nesër do e diskutojmë në mbledhjen e grupit…Ne do t’i diskutojmë të gjitha mundësitë e kundërshtimit në takimin e nesërm”, tha ai.

Ndërsa, paralajmërimin e ministrit të Infrastrukturës për anulimin e projektit për ndërtimin e autostradës së Dukagjinit dhe Anamoravës, deputeti i Aleancës për Ardhmëri në e Kosovës e sheh si një vendim të gabuar dhe të pabazuar.

“Është gabim për mua edhe pa kuptueshme kur bëhet ndërrimi i pushtetit është proces demokratik , por projektet që janë të nisura duhet me vazhdua , por jo të veprohet kështu në mënyrë arbitrare dhe të thuhet që do të hiqet ky projekt me arsyetime aspak të bazuara”, deklaroi Selmanaj.

Kryeministri i Kosovës, Albin Kurti ka paralajmëruar heqjen e taksës ndaj mallrave serbe dhe atyre boshnjake pas vendosjes së masës së reciprocitetit. Por një vendim i tillë ka gjetur kundërshtimin e opozitës.

Letër të hapur për të mos ta hequr taksës drejt kryeministrit, Kurti ka shkuar ish kryeministri, Ramush Haradinaj i cili e vendosi taksën 100 për qind karshi mallrave të Serbisë dhe Bosnje e Hercegovinës në nëntor të vitit 2018. Ndërsa edhe kreu i partitë më të madhe opozitare në vend PDK-së, Kadri Veseli ka bërë thirrje që taksa të mos hiqet.

Nisma dhe AKR-ja nuk janë aq të ‘nxehta’ të shkojnë në krah të Haradinajt

Periskopi.com Lajme

Aleanca për Ardhmërinë e Kosovës, e Ramush Haradinajt sot ka lidhur koalicion parazgjedhor me Partinë Socialdemokrate, të Shpend Ahmetit.

Pas nënshkrimit të marrëveshjes, Haradinaj tha se deri te koalicioni erdhi pasi që u panë qëllimet në programet e të dy partive, para zgjedhjeve.

Tutje, Haradinaj bëri të ditur se AAK është e hapur për bashkëpunim edhe me disa parti, si Nisma Socialdemokrate dhe Aleanca Kosova e Re.

Mirëpo, Nisma e Fatmir Limajt, nuk duket edhe aq e ‘nxehtë’ për një koalicion parazgjedhor.

Bilall Sherifi nga kjo parti i ka thënë lajmi.net se Nisma është duke punuar që në zgjedhje të dal e vetme.

“Aktualisht jemi në fazën e konsultave me strukturat e partisë. Pas përfundimit të konsultimeve me strukturat tona, atëherë do të mund të dalim me një vendim përfundimtar. Unë personalit angazhohem që Nisma të dal e vetme në këto zgjedhje”, ka thënë Sherifi.

Ai ka shtuar se vendimi përfundimtar i takon strukturave drejtuese.

Ndërsa në AKR thonë se të gjitha ofertat i shqyrtojnë në strukturat e partisë.

Vesel Makolli nga kjo parti, ka thënë për lajmi.net se AKR është e interesuar të shkojë në koalicion me dikë që ka në program zhvillimin ekonomik të vendit.

“Çdo ofertë do ta shqyrtojmë në strukturat tona të partisë, por ne së pari i shqyrtojmë ato mundësitë tona dhe  simetrinë e programeve. Ne do të shkojmë më atë që ka programin ma të mirë, ne jemi për zhvillim ekonomik, ju e dini se pa zhvillim ekonomik Kosova nuk mund të shkojë përpara, interesi i vendit duhet të jetë në rend të parë”, ka thënë Makolli.

Vlen të theksohet se Nisma Socialdemokrate në zgjedhjet e kaluara ishte në koalicion parazgjedhor me Partinë Demokratike të Kosovës dhe Aleancën për Ardhmërinë e Kosovës, më pas këtij koalicioni iu bashkua edhe Aleanca Kosova e Re.

AAK nuk do qeveri teknike, preferon koalicion parazgjedhor me Nismën dhe PSD-në

Periskopi.com Lajme

Aleanca për Ardhmërinë e Kosovës, nuk do të jetë pjesë e një qeverie të mundshme teknike.

Nënkryetari i AAK-së, Ahmet Isufi në një intervistë për EkonomiaOnline, thotë se janë pajtuar që të shkojnë në zgjedhje të reja, ndërsa thotë se preferojnë një koalicion parazgjedhor me partitë më të vogla, si Nismën Socialdemokrate dhe PSD-në.

“Fillimisht në kemi thënë që do të dalim si subjekt i veçantë, por nëse ka nevojë që të bëhen koalicione atëherë shkojmë me partitë me të cilat kemi pasur një traditë të angazhimit tonë të përbashkët siç është NISMA, poashtu edhe me PSD-në për shkak të konstruktivitetit që ka treguar në këto angazhime, sidomos me aprovimin e ligjeve të rëndësishme të cilat kanë qenë për Kosovën. Poashtu edhe ndonjë parti tjetër e cila mund të jetë pjesë e angazhimit, por kjo do të shihet në ditët në vijim se cilat janë orientimet e partive tjera të cilat duan t’i bashkohen Aleancës. Nuk kemi vija të kuqe me asnjë parti, por që kemi me dikën afrim më shumë  e me dikë kemi distancë”, thotë ai.

Ai po ashtu thotë se Ramush Haradinaj është kandidat i pakontestueshëm për Kryeministër, pasi që si thotë ai, Haradinaj për dy vjet sa ishte në krye të qeverisë dëshmoi se di të mbrojë interesat e Kosovës.

“Unë besoj që të gjitha partitë politike janë bindur se kryeministër, i cili mbron interesat e Kosovës, është i vendosur në vendimet të cilat e favorizojnë shtetin e forcojnë është kryeministri Ramush Haradinaj. Prandaj asnjë  drejtim as një dilemë nuk ekziston, sepse megjithatë gjatë qeverisjes 2 vjeçare ka treguar që është burrështetas i cili merr vendime të rëndësishme dhe vihet në kundërshtim të atyre interesave të cilat mund ta dobësojnë Kosovës. Prandaj, me qëndrimin e tij zotëri Haradinaj ka garantuar një ecje përpara edhe të tjerët janë bindur që nuk ka kryeministër më të mirë se Haradinaj”, thotë ai.

Isufi komentoi edhe vendimin e Kryesisë së Kuvendit për të caktuar 22 gushtin si datë për seancën në të cilën synohet shpërbërja e Kuvendit.

Thotë se ishte një dakordim i të gjitha partive për një datë të tillë.

“Në fund të takimit të Kryesisë të gjithë janë pajtuar që të jetë kjo datë, megjithëse ka pasur edhe  propozime siç ka qenë edhe propozimi ynë që edhe më herët bënë 14 ose 15 gushti, por megjithatë ishte një kërkesë që të bëhet me 22 për shkak të përgatitjeve që duhet të bëhen dhe kjo është në rregull”.

Isufi ka mohuar zërat që flasin për mundësinë e një qeverie teknike, pasi që thotë se të gjitha partitë tashmë janë pajtuar që të shkohet në zgjedhje të parakohshme.

“Në bazë të deklarimit të partive politike edhe të kryetarit të Kuvendit në takim absolutisht s’ka ndonjë interesim për tjetër temë përveç se shkuarjes në zgjedhje, të gjithë janë deklaruar se janë për zgjedhje dhe kjo tani është publike, është opinion dhe nuk ka asnjë shans që të ndodhë asnjë ndryshim”, thotë ai.

I pyetur nëse do të jenë pjesë e një qeverie ku kryeministër do të ishte dikush tjetër, e jo Haradinaj, Isufi thotë se Haradinaj është dëshmuar se është një kryeministër i pakontestueshëm.

“Po ne e dimë që çdo parti kur del në fushatë dhe në kohë zgjedhjesh kryeministrin e synon për shkak se kemi një sistem parlamentar ku Qeveria ka një rol kyç në zhvillimet politike institucionale në vend. Por ajo çka është me rëndësi do t’i jepet përkrahja asaj që e meriton më së shumti edhe konsideroj që për 20 vjet me radhë për 2 herë kur ka qenë kryeministër zoti Haradinaj ka treguar se është një lider i pakontestueshëm në ekzekutiv, thotë Isufi, derisa flet edhe për rritjen e AAK-së..

“Skena politike e Kosovës është në një trend interesant për shkak se 4 partitë politike garojnë për kreun e ‘tabelës’ dhe në këtë garë jemi fuqishëm të orientuar, shkaku i vendimeve të mëdha që najë ndërmarrë nga zotëri Haradinaj që janë përqafuar nga populli, poashtu kemi një ngritje të Aleancës përkundër partive të tjera që kanë rënie ose stagnim”, thotë ai.

“Aleanca për Ardhmërinë e Kosovës edhe nga sondazhet edhe nga perceptimi në opinion është parti e cila është në rritje dinamike”, përfundoi ai.