Dita e fundit e Samitit për Paqe të Evropës Juglindore

Periskopi.com Lajme

Sot përfundon Samiti për Paqe të Evropës Juglindore, i cili gjatë tri ditëve është mbajtur në Tirnaë me temë “Paqja, Siguria dhe Zhvillimi Njerëzor në Evropën Juglindore”.

Samiti po mbahet nën patronatin e kryeministrit Edi Rama dhe është organizuar nga Federata e Paqes Universale (FPU), si pjesë e një serie në vazhdim samitesh anembanë botës që mbështesin ndërvarësinë, begatinë e ndërsjellët dhe vlerat universale.

Samiti do të përfshijë nisjen në Evropë dhe Lindjen e Mesme të Këshillit të Lartë Ndërkombëtar për Paqe (KLNP), një shoqate globale e krerëve aktualë dhe të mëparshëm të shteteve dhe qeverive të përkushtuar ndaj dialogut dhe bashkëpunimit për hir të paqes dhe zhvillimit njerëzor.

Drejtues të lartë të shteteve por edhe të atyre që kanë pasur ndikim të madh në vendime të rëndësishme për Ballkanin, përfshirë këtu krerë aktualë dhe të mëparshëm shtetesh dhe qeverish, parlamentarë, udhëheqës fetarë, gra udhëheqëse dhe udhëheqës të shoqërisë civile, do të angazhohen në gjetjen e zgjidhjeve drejt paqes afatgjatë dhe zhvillimit të qëndrueshëm në Evropën Juglindore dhe më gjerë.

Samiti i Paqes i Evropës Juglindore ka sjellë së bashku udhëheqës botërorë, përvoja, urtësia dhe thellësia individuale dhe kolektive, që sipas organizaotrëve, janë të nevojshme nëse duam të ndërtojmë një botë mirëkuptimi të ndërsjellët, paqeje të qëndrueshme dhe begatie për të gjithë.

Agjenda e ditës së sotme:

E diel, 27 tetor

9:00        SEANCA PUNE: Paqja, Siguria dhe Zhvillimi Njerëzor në Evropën Juglindore

Seanca IV-a Kultura e Familjes, Kultura e Paqes

Seanca IV -b Sfida e Migrimit: Këndvështrime nga BE dhe Evropa Juglindore

Seanca IV-c Perspektivat për Dialog dhe Bashkëpunim Ndërfetar

10:15                     Pushim Kafe/Çaj

10h30                    Seanca V-a Shërimi dhe Solidariteti: Roli i Grave

Seanca V-b Media dhe Paqebërja

Seanca V-c Biznesi dhe Teknologjia përtej kufijve

12:15     Mbyllja:  Perspektiva të Paqes në Evropën Juglindore

13:00                     Dreka

15:00     Festivali i Paqes dhe Familjes

19:00                     Darka përmbyllëse