Sabit Geci: Gani Geci e ka vrarë Sandokanin

Periskopi.com Lajme

Ish-komandanti i UÇK-së, Sabit Geci, ka thënë se Gani Geci e ka vrarë Abedin Rexhën (Sandokanin).

Në emisionin Zona B në Klan Kosova, ai tregon se ka shkuar the e ka parë viktimën në prezencën e familjes dhe i njëjti i ka pasur dy plumba [një në krah dhe tjetrin në këmbë].

“Unë nuk kam asgjë me Ibrahim Qorrin dhe as me Gani Gecin. Nëse kanë ata me mua diçka, le ta thonë. Qorri më ka treguar se pse e ka thënë atë dhe më ka ardhur gjynah sepse ka pasur një vuajtje. Ndërsa Gani Gecin nuk e di se çka e nxitë të flasë për mua”.

“Ai e di që kam ngrënë në shtëpinë e tij dhe ka ngrënë në shtëpinë time. Deri në momentin që jam plagosur e kam pasur njeriun me të afërt. Ai le të del dhe le ta demanton”.

“Në librin e tij ai shpif gjithçka për mua. Ndërsa unë nuk kam shpifur për të. Ai më ka pyetur mua se kush e ka shkruar komunikatën për të dhe unë kam thënë se kjo e paska ngritur Gani Gecin.  Nuk e di se kush e ka shkruar dhe nuk më intereson fare. Nuk e di pse po bëhet ajo komunikatë aq tragjike”.

“Gani Geci e ka vrarë Sandokanin sepse ai e ka pasur një plumb në krah dhe një në këmbë. Jam i dyti dëshmitar që kam shkuar dhe e kam parë në prezencë të familjes dhe i ka pasur dy plumba”.

“E ka vrarë edhe nipin tim. E kam thënë edhe më herët se nëse del që nipi im Ruzhdiu ka dorë në tentim vrasjen e Gani Gecit – unë nëntë gjaqe ja kam borxh”.

“10 dëshmitarë i kam që tregojnë se ku ka qenë Ruzhdi Shaqiri kur janë vrarë shokët e Gani Gecit. Nëse ai do t’i gjejë shumë lehtë e ka, por ai do të krijojë mjegull”.

Sabit Geci: E çliruam vendin dhe tash jemi duke fjetur – argatët e Serbisë punojnë 24 orë

Periskopi.com Lajme

Ish-komandanti i UÇK-së, Sabit Geci, ka thënë se luftëtarët që e çliruan Kosovën tashmë janë duke fjetur sepse nuk po bëjnë asgjë për t’i parandaluar argatët e Serbisë që punojnë 24 orë.

Në emisionin Zona B në Klan Kosova, ai thotë se është organizuar një grup kundër njerëzve të luftës dhe gjejnë dëshmitarë dhe u premtojnë atyre gjithçka.

“Familja ime është mësuar e shkreta të vuaj. Kjo është një vazhdimësi e Serbisë dhe argatëve të tyre që janë aktiv këtu. Nuk besoj që ka shumë, por janë shuma aktivë. Ne e kemi çliruar vendin dhe tash jemi duke fjetur – nuk jemi duke i parandaluar ata faqezinj që punojnë 24 orë”.

“Kur më kanë arrestuar në vitin 2000, i futën disa nene të tmerrshme dhe më dënuan gjashtë vjet. Gjykata e Apelit i hoqi ato nene të tmerrshme, por dënimin e lanë të njëjtin”.

“Një personi që dëshmonte kundër meje i kam thënë: Po të garantoj se unë nuk të kam parë, por po të kisha parë unë ty me këtë biografi që ke, ti sot nuk ishte këtu para Trupit Gjykues. E kam në proces verbal këtë punë”.

Ai thotë se argatët e Serbisë kanë qenë dhe vazhdojnë të jenë aktiv kundër luftëtarëve të UÇK-së.

“Janë organizuar një grup kundër njerëzve të luftës dhe gjejnë dëshmitarë dhe iu premtojnë gjithçka”.

“Asnjëherë në jetën time nuk kam kryer vrasje. Unë gjuhën e kërcënimit nuk e njoh fare. Për mua vetëm le ta flasin realitetin. Unë jam duke vuajtur nga shpifjet”.

Buja: Lista e veteranëve as e përafërt me atë realen

Periskopi.com Lajme

Ish-komandanti i UÇK-së, Ramë Buja, tash kandidat i PDK-së për deputet, ka thënë se shifra prej 60 mijë veteranëve s’është as e përafërt me numrin real të atyre që ishin në të vërtetë në luftë.

Në debatin në Rubikon për “Vlerat e luftës”, Buja ka thënë se shumë luftëtarë të vërtetë janë në kushte jo të mira sot dhe se duhet të jetë fokus i politikës për t’ua përmirësuar kushtet “të paktën ato që janë të domosdoshme”.

Duke folur për “veteranët e rremë”, Buja ka shtuar se “s’mund ta kuptoj si dikush pranon të hyjë në lista të tilla kur vetë s’ka qenë pjesë e luftës”.

“Unë nuk mund të pajtohem me numrin e listës që flitet sepse s’kemi pasur kurrë në asnjë regjistër as numër të përafërt”, ka thënë ai.