Mustafa: 30 vjet na kanë sulmuar e linçuar fizikisht e verbalisht

Periskopi.com Lajme

Ministri i Bujqësisë, Pylltarisë dhe Zhvillimit Rural, Besian Mustafa, ka thënë se Lidhja Demokratike e Kosovës këto 30 vjet është sulmuar e linçuar fizikisht e verbalisht.

Sipas tij, LDK asnjëherë nuk ua ka kthyer këto sulme, por i ka afruar të gjithë kosovarët që të punojnë së bashku.

“Asnjëherë nuk ua kemi kthyer këto sulme por i kemi afruar të gjithë kosovarët të punojmë për Kosovën e gjatë rrugës kemi ndërtuar, për herë të parë në historinë e Kosovës, miqësi me Amerikën e Evropën. Kjo është madhështia e LDK-së”.

“Gjithmonë kemi ndërtuar e përkrahur institucionet demokratike, mbi të gjitha lirinë e fjalës, edhe atëherë kur janë përdorë e keqpërdorë për të na sulmuar. Këto veçori na kanë bërë kala të pamposhtur; të tillë do mbesim. LDK, dhe vetëm LDK, deri në ditën e fundit”.

Kujtojmë se koalicioni VV-LDK është duke përjetuar përplasjet e para pas vendimit të Kryeministrit Albin Kurti për ta shkarkuar Agim Veliun nga pozita e ministrit të Punëve të Brendshme, pasi ky i fundit e mbështeti idenë e shpalljes së gjendjes së jashtëzakonshme për shkak të përhapjes së koronavirusit në Kosovë.

Gjermania do të vazhdojë të ndihmojë për zhvillimin bujqësor në Kosovë

Periskopi.com Lajme

Ministri i Bujqësisë, Pylltarisë dhe Zhvillimit Rural, Besian Mustafa, ka pritur sot në takim ambasadorin e Gjermanisë në Kosovë, Christian Heldt, me të cilin biseduan rreth politikave zhvillimore në bujqësi dhe objektivat e kësaj ministrie për fuqizimin e mëtejmë të këtij sektori.

Mustafa ka falënderuar Heldt për mbështetjen që Gjermania i ka dhënë në vazhdimësi Kosovës për zhvillimin e sektorëve të ndryshëm, duke përfshirë edhe atë të bujqësisë.

Ai po ashtu e ka njoftuar ambasadorin për investimet, të cilat planifikojnë t’i bëjnë në këtë sektor në kuadër të Programit për Bujqësi dhe Zhvillim Rural të këtij viti, si dhe ka theksuar se transparenca dhe efikasiteti në punë do të jenë angazhimet themelore në këtë mandat.

Nga ana e tij, ambasadori Heldt ka rikonfirmuar gatishmërinë e shtetit të tij për të ndihmuar zhvillimin bujqësor të vendit.

​Në rrëzimin e aeroplanit vdes ministri i Bujqësisë së Paraguait

Periskopi.com Lajme

Ministri i Bujqësisë dhe zëvendësministri i tij kanë humbur jetën në një aksident ajror në Paraguain jugor, njoftuan autoritetet ajrore të Amerikës Jugore.

Sot në mëngjes, forcat e shpëtimit zbuluan mbetjet e avionit “Beechcraft”, i cili u rrëzua në një zonë moçalore pak pasi u nis nga aeroporti i Ayolas, pranë kufirit me Argjentinën.

Ministri po kthehej në Asuncion pasi kishte vizituar të ëmën e sëmurë, e cila vdiq sot në mëngjes pas aksidentit të djalit.

Të katër personat në bordin e aeroplanit kanë vdekur, ministri Luis Gneiting dhe zëvendësministri i Blegtorisë, Vicente Ramirez, një zyrtar i ministrisë dhe piloti.

“Nga aksidenti nuk ka asnjë të mbijetuar. Avioni u rrëzua në ujë në një moçalishte tre metra të thellë”, u shpreh Roque González, nga njësia speciale e kërkimeve dhe të forcave të shpëtimit.

Ministri Rikalo raporton për dëmet e shkaktuara nga shiu

Periskopi.com Lajme

Ministri i Bujqësisë, Nenad Rikalo sot me fillim nga ora 11:00 do të raportojë para Komisionit për Bujqësi, Pylltari, Zhvillim Rural, Mjedis e Planifikim Hapësinor për dëmet nga reshjet e shiut.

Kohët e fundit në territorin e Kosovës ka pasur reshje të mëdha të shiut, në disa komuna edhe janë raportuar dëme të mëdha materiale.

Gjatë mbrëmjes së djeshme rrebeshi i shiut që e përfshiu një pjesë të Kosovës ka bërë që magjistralja Prishtinë – Ferizaj në Bibaj të Ferizajt të bllokohet nga vërshimet e ujit. /KosovaPress/