Çfarë tregon për shëndetin, mpirja e këmbëve dhe e duarve?

Periskopi.com Shëndeti

Shpesh ose jo, keni ndierë mpirje të këmbëve dhe duarve, por nuk i keni kushtuar rëndësinë e duhur. Por nuk duhet ta neglizhoni më.

Ky problem shëndetësor mund të marrë përmasa edhe më të rënda nëse nuk e vlerësoni seriozisht.

Mpirja e duarve dhe këmbëve lidhet me qarkullimin jo normal të gjakut. Ndjesia e shpimit si gjilpëra mund të jetë e lidhur edhe me sklerozën e shumëfishtë, një sëmundje neurovegjetative që shkakton shkatërrim dhe humbje të substancës myelin në sistemin nervor qendror.

Një mpirje, gjithashtu mund të fshehë një trombozë venoze. Kjo për shkak të pranisë së mpiksjes brenda lumenit venoz që pengon rrjedhën normale të qarkullimit të gjakut që parandalon rrjedhën e oksigjenit në inde.

Nëse ju përjetoni dhimbje, gjymtyrë të ftohtë, më mirë të konsultoheni me mjekun.

Vakti i vonë i mbrëmjes ndikon keq në shëndetin e grave

Periskopi.com Shëndeti

Një studim i fundit në SHBA ka treguar që koha e vaktit mund të ndikojnë në shëndetin kardiometabolik të grave, dhe se ngrënia e më shumë kalori pas orës 18.00 shoqërohet me shëndet më të dobët kardiovaskular.

Një studim i kryer kohët e fundit sugjeron që konsumimi i një vakti më herët gjatë ditës mund të kontribuojë në humbjen e peshës, në krahasim me ngrënien më vonë gjatë ditës, e cila ndikon në kultivim dhe ngadalëson metabolizmin, transmeton KosovaPress.

Studimet e hershme kanë treguar që ushqimet e vonshme rrisin shenjat e inflamacionit që zakonisht shoqërohen me zhvillimin e diabetit dhe sëmundjeve të zemrës, dhe studime të tjera të kryera në minj dhe njerëz kanë treguar që planifikimi i vaktit në kohën e duhur mund të ndihmojë në kontrollin e niveleve të sheqerit në gjak, raporton Medical News Today.

Hulumtimet e fundit, të paraqitura në Kongresin e Shoqatës Amerikane të Zemrës (AHA) në Filadelfia, sugjerojnë se konsumimi i më shumë kalorive në mbrëmje mund të ndikojë negativisht në shëndetin kardiovaskular të grave.

Autorja kryesore e studimit Nour Makarem pranë Universitetit Columbia së bashku me kolegët e saj kishin përcjellë zakonet dietike të 112 grave me një moshë mesatare 33-vjeç për një vit.

Ata hulumtuan shëndetin kardiovaskular të pjesëmarrësve në studim në fillim dhe një vit më vonë me ndihmën e programit të “Life’s Simple 7”, i cili llogarit shtatë faktorë të ndryshueshëm të rrezikut të paraqitura nga AHA.

Pjesëmarrësit u monitoruan për presionin e gjakut, kolesterolin, sheqerin në gjak, aktivitetin fizik, dietën, peshën e trupit dhe zakonet e pirjes së duhanit. Bazuar në këta faktorë, shkencëtarët llogaritën rezultatin e shëndetit kardiovaskular për secilin prej tyre.

Studimi zbuloi se gratë që konsumonin më shumë kalori pas orës 18.00 ishin më të prirë për shëndet më të keq kardiovaskular. Për ata që konsumuan më shumë ushqime më vonë, faktorët e rrezikut kardiovaskular u përkeqësuan. U vërejt një rritje e presionit të gjakut, sheqerit në gjak dhe peshës së trupit.

Në fakt, për çdo një për qind të rritjes së konsumit të kalorive pas orës 18.00, rezultati i shëndetit të tyre kardiovaskular ra në të njëjtën masë.

“Këto rezultate paraprake tregojnë se njerëzit që kujdesen për kohën dhe sasinë e kalorive kur bëhet fjalë për ushqimin në mbrëmje, kontribuojnë në zvogëlimin e rrezikut të sëmundje të zemrës “, tha Makarem, duke shtuar se në mënyrë që të jenë më të besueshëm, duhet të bëhen studime shtesë në një mostër më të madhe dhe në mesin e popullatave të ndryshme të grave.